هذي اول قصيده غزليه اكتبها بالمنتدى واتمنى انها تحوز على اعجابكم
ماهو على كيفك تقول انس وانساك=قم هات لي مثلك وانا انساك هالحين
قم هات لي واحد شبيه بمزاياك= مثلك تغير فيه كل الموازين
وادري محال تحصله واتحداك= لو درت مابين الحظر والبداوين
ياللي مجرد ضحكةٍ من ثناياك=تعتق لها ارقابٍ ويوفى بها دين
وياللي مجرد جمرةٍ في شفاياك=تدفي الفقارى والضعوف المساكين
وياللي مجرد كلمةٍ قالها فاك = تعمل بها حساب ورصيد وملايين
وياللي مجرد سلهمت رمش عيناك=يبصر لها الاعمى وتعمي البصيرين
وياللي مجرد وقفتك مع سواياك = وقفة زعيم مايهاب السلاطين
وياللي مجرد رتم تمشي به اخطاك=بالهندسه ماحصلو له قوانين
وياللي مجرد طلعةٍ من محياك= كنك شعاع الشمس بين المغيبين
وياللي مجرد لاتنهدت انا افداك=ترمي الطيور الحايمه بالساتين
ياللي انت نادر فيك حتى خطاياك= ياللي انت الاول والخليقه وصيفين
انت اجمل اجيالك وجيلٍ تعداك= وانت اجمل العالم الى ساعة الدين
وانت الوطن في غربتي,وانت ذكراك= هي غربتي وسط الوطن والقريبين
وانت المرض مالك شفا غير بدواك = ياخلطة الرمان والخوخ والتين
سببت لي من زود ما احبك ارباك =من وين مدري وين رايح على وين
احيان اشمك واشربك شرب واظماك=واحيان احسك منطبع داخل العين
واحيان اشوفك ثم اضيعك (والقاك)=تسري مع الدم الحمر بالشرايين
واحيان احس ان القدر يوم ناداك=قصده يذل قلوب ناسٍ عزيزين
الموت بين عيونك السود منحاك=والقبر بين اشفاهك الحمر يبغين
عشتك غرام ومت في عشق لاماك = شفتك سماي وشفت فيك الاراضين
في ذمتي ماعاد تسوى بلياك= دنيا ملاها الهم والبعد والبين
ادمنتك بشرهه وصرت اتعاطاك =وشلون ابترك حاجه ادمنتها سنين
وتوك تجي هالحين تبغاني انساك=اصبر لي حتى الموت وانساك بعدين
[/quote]
22/07/10, (04:19 AM)
اولى مصافحاتي غزلية
العرض العادي
