تذكـار يارمز الشرف بنت الاحرار

[محمد بن موسى]

بسم الله الرحمن الرحيم

السلام عليكم ورحمة الله وبركاته

اعضاء ومشرفي شبكة ويلان العربيه .. اترك بين ايدكم هذا النص واتمنى ان يرتقي لذائقتكم
وهو اهداء مني لك عاق لوالديه وصدى لصوت الشاعره / تذكار الخثلان ..


البارحه نومي هواجيس وافكــار
اشكي على المعـــبود رب البريه

ربً كــريم وكافــل الطير لاطار
يعـــود من صبحه لعشــــه عشيه

يامحييً جرد الاراضي بالامطار
ويارافـعً بــالــحق رايـــة نـــبّـيــه

يالله تكفـيـنا صــواديف الاقـدار
وتغفــــر لنا وان بـــان منا خطيه

قعدت ادوج بداخل الحوش والدار
اجلـــس واقـــوم وكن بي سم حيه

من شاعــره مادقـت العود والطار
تــــقـــــول قصــــه كلهــا واقعيـه

الام يا اهل العرف في وقتنا صار
مـن عقـــب عـــزتها تشوف الاذيه

تذكـار يارمز الشرف بنت الاحرار
ياللـــي على قـــــول المعاني جريه

ياكيف نجـــزي من حضنا بالانكار
ونعيـــش من دونه بعيـــشه هنــّـيه

وهي تعيش الحزن وتذوق الامرار
وتسهر طــــوال اليل وعينه جّـزيه

وتــــردد الآهـــات وتقلــــب افكار
وتشوف مضنون الحشا وش جزيه

وش ذنــبها يومــنها ربت صـــغار
تــبي بتالي العمــــر عيـــشه هنّــيه

يامــا بتالي اليل تسهــــر على النار
وتضــــم راسك لضلــــوع الحنـيه

من خـــوفها بردً على طفلهـــا جار
او لقمـــــةً تنقـــــص بليلــــه شقـيه

من صــدرها تسقيك ياشمعة الدار
كل الحـــنان وكل عمـــــره عطيه

تبي بــتالي العمر شيمـــه ومقـدار
وعطـــفً يحســـسها برد الجزيه

الام ياجـــــاهل ترى شمعــة الدار
ورمــــز الحنان وعاطفــتها قويه

الرب وصى والنبي وقت الاسحار
يوصـــي بطـــاعتها بســـنة نبيـه

تقديرها واجب لو صار ما صار
وطلبة رضاها بكل روحه وجّـيه

واياك قولة أف في وجهها البار
واياك تنهـــرها بصبـــح وعشّيه

حيثً جنان الخلد في يوم الاحشار
تحت الرجول الي مشت بك حفّيه

والرب وصى به وخصه بالاذكار
امــك..وامــك..ثـم..امـــك وصّـيه

ومن بعـــدها ثنى على الوالد البار
حقــــه عليــــنا واضــــحً للـــبريه

ياكيف ننسى فضلهم يومنا صغار
من حضن ابوك لحضن ذيك البّنيه

واليوم بـــان الشيب واكتفت انظــار
وعقب الشباب اضحت عزوم رديه

بـــان الكبر والوقــــت ياعزهم دار
يــــبون زرعً زارعيــنه سـّويـــه

ياحيف خيبت الرجا يابن الاخيار
وادخلــــتهم وســـط الملاجي بسّيه

تقول كبر العود واقفت به اعمار
والعجــــز غـثـتـنا بكـــثر الزريه

مالي سوى دار المسنين واشهـار
لعــّـل يلقــــون العـــنايه هنـّـــــيه

وخليـــتهم كلً يفكر بما صـــار
هذا الســــند لا واحســافة غـّـذيه

يالله يارحمـــن يا وال الاقــــدار
يامنجــــي بيــــته بـــنارً لظّـــيه

يامهلك فرعون في غب الابحار
ياحاصــــدً كل الشعـــوب العتّيه

وياخــالق الجنه ويا خاالق النار
انك تجـــــازي كل جاحد بّسيه

خله يــذوق الويل ويكابد امرار
ويحـّل في دار العجوز وخويه

يبلآ بنسلً يقطع الوصل بالعار
يجني ثمـــر ماقدمــــنه يــــّديـــه

ويصيـح من دنياه والوقت دوار
لأنه سكن في مسكن امه وبّــيه

هــــذا جـــزاه وكل رايح لتذكار
يقـــول شوفي ماحصــدنه يـّديه

واقول انا واياك يابنت الاحرار
الله يجنــــبنا الفعـــــول الــرديه

وانه اذا ماحـــــل بالوقت اندار
يرحم ضعفنا كل ابونا ســـويه

يالله ياربً لـــــه الناس سهـّــار
ترجي ثـــوابه لاتخيـــب رجّيه

انك تروف بحال عبدك وتختار
له الســـــداد بكل روحــه وجـّيه

وتغفر ذنوبه لاقفت كل الاعمار
وحان الحساب لكل نفسً عصّيه

وانك تنجينا عن دروب الاشرار
ونسلك طريق الرشد حنا ونـّبيه

وتعيضنا عن مافقدنا من صغار
وتشفـــــع بهم ياخالق الناس ذيّه

ويالله يامحصي عدد كل الاعمار
ياكافــــلً بالــــــرزق كل البريه

ويارافــــعً سبع السماوات تعّبار
وياباســــطً ســــبعً علينا خفـــّيه

ويالله يامحيي هل الكهف والغار
يامنجيً يوسف بوســـــط الهبــّيه

ويامن على يعقوب رديت الانظار
وعقب العمى رديت شوفه بيـــّديه

انك تنجيـــنا عن العيــــب والعار
وعن كلمـــةً تكتب علينا خطّـــيه

وانك تثبتنا عن على دين الاخيار
وتجعـــل لنا من منزل الخلد فـّـيه

وتروي ضمانا وان لفح لآهب النار
وتجعـــل لنا الانهار شــربه هنّـــيه

ويامخرجً ذا النون من غب الابحار
ومن بطن حـوته دعوته هي نجـّـيه

انك تعيــــن اللي كتب قــاف تذكار
لعـــّـل من يقـــراه ينصح خــــويه

ويتوب توبه خالصه مابها غبار
وعـــن المعاصي يبعـــدنه يــّـديه

وختامهـــا صلو عـدد طايرً طـار
على نـــبي الخلــق ســـيد البـريه

[الصقار]

محمد الموسى ..اولا اسعد الله جميع اوقاتك ..

وصح لسانك على هذه الرائعه بروعه شاعرها .

تقبل مروري وصادق ودي وتقديري

[سالم صالح]

محمد موسى


صح السانك والله يعطيك العافية على هذة القصيدة الرائعة والصدى المميز


تقبل تقديري وودي

[طلال معيض]

محمد موسى

لاهنت وصح لسانك

قصيده معبره
دمت بود

[محمد بن موسى]

المشاركة الأصلية كتبت بواسطة ابن هندي

محمد الموسى ..اولا اسعد الله جميع اوقاتك ..

وصح لسانك على هذه الرائعه بروعه شاعرها .

تقبل مروري وصادق ودي وتقديري

ابن هندي

يسعد مساك وصباحك بالمسرات اخوي
وصح بدنك يالغالي
تعطرت صفحتي بمرورك الرائع

دمت بود

[بدر الخلاوي]

اخوي الغالي محمد بن موسى صح لسااااااااااانك
واعتلى شانك وسلمت ودمت على
ماقدمت وتقبل مروري
المتواضع ودمت
بخـــــــــــــــير

[محمد بن موسى]

المشاركة الأصلية كتبت بواسطة سالم صالح

محمد موسى

المشاركة الأصلية كتبت بواسطة سالم صالح

صح السانك والله يعطيك العافية على هذة القصيدة الرائعة والصدى المميز


تقبل تقديري وودي

سالم صالح


صح بدنك يالغالي

ومشكور على مرورك المميز

دمت بود