(مزيد) ثبًت لي الكوره وانا اجيك واشوووت

[محمد المقبل]

ثبًت لي الكوره وانا اجيك واشووت = شوته على شباك الخصم نخترقها
الشجره اللي ما لها للعرب قوت = عسى الغضب براق مزنه برقها
ينزل غضب ربي لها سيل وتموت = لوكان في مكه تنفس ورقها
رًوق يا مزيد واقضب العلم بسكوت = من شان نفسك ما يطول ارقها
الجاذبيه.. والهوى.. والبرشوت = سكة مظلي عقب حسبه طرقها
بعض العرب عده مع الناس "ريبوت" = جغمة رجوله لو شربها شرقها
خطر يتفاعل ويتكلم بريموت = سوالفه لا تشغلك لا قرقها
ما يفرقه عن خيته نبرة الصوت = لحيته والشارب بموسه زرقها
عز الله ان اللي مع الناس كتكوت = لا عاش دور الغول نفسه حرقها
أرفع مقامك تاحذ "الصن" كبوت= هذي النمونه لا يهمك غرقها
النقنقه والدنفسه ثوب عكروت = كب الجراده وش تبي في يرقها
أصلٍ لو يذمك عفن انت مبخوت = ما كل جبهه من تعبها عرقها
الله يخلي للجنازات حانوت = والله يخلي للمحابر ورقها
والشجره اللي غرست بحد بيروت= تلقى الغضب براق مزنه برقها

بدر حنيف صح لسانك أبدعة بهذا الرد ولاهو غريب عليك الابداع

تقبل تحياتي