نخوتكم يالويلان يالله طلبتك يامنشى السحابي ابراهيم الجلعود راعي سميراء

[راعي سميراء]

استئذنكم بعد التنسيق

(( يالله طلبتك يامنشى السحابي ))

يـقـول ابــن جلـعـود مـبـدأ جـوابــي=ذكــر الله الرحـمـن فـيـه استـدلـيـت
يالله طلـبـتـك يامـنـشـى الـسـحـابـي=يافالـقٍ حـب النـوى محـيـي المـيـت
يامسهل (ن) عسر الليال الصعابي=يامـن تجيـب لدعوتـي حيـث نـاديـت
ياغافـر (ن) ذنـبـي قــوي ماتهـابـي=يـاواحــدٍ مـافـيـه غـيــرك تـعـالـيـت
يامجري (ن) فالسيل عال الشعابي=يامحصي اعمالي علنهـا وماخفيـت
يـــارازق (ن) حيـاتـهـا فالمـخـابـي=يامفجّـر الانهـار ياسـامـع الصـيـت
يـاراجـم (ن) شيطانـهـا بالشـهـابـي=يـاهـازم الاحــزاب ياحـامـي البـيـت
تغـفـر ذنـوبـي يــوم نـشـر الكتـابـي=محصـى العمـل كلـه ولابـه تفاويـت
وتجيـرنـا مــن نــار تـزفــر لـهـابـي=عليـه ملايكـة (ن) وفيهـا عفاريـت
واصـوات اهلهـا مختلـط بالنحـابـي=نـار السـمـوم تفـتـت الـصـم تفتـيـت
واحـوال اهلهـا بالـحـزن واكتئـابـي=تطـلـب مـزيـد تـقـول انــا ماتملـيـت
يالله تـرحـمـنـى وتــجــزل ثــوابـــي=في ساعة المحشر لعفـوك ترجيـت
وتدخـلـنـي الـجـنـة وتـقـبـل مـتـابـي=ياواحد (ن) من فوق عرشك تعليت
جنّـات عـدن اسنـان اهلهـا شبـابـي=والله وعـد للـي بنـى مسـجـدا بـيـت
بالجنـة الخـيـرات معـهـا الشـرابـي=انهار تجري لذة ان رحـت وانجيـت
والـحـور فيـهـا ستـرهـا بالحجـابـي=مـن حسنهـا مخـه تشـوفـه بتثبـيـت
فــي جـنـةٍ مــن زعـفـران التُـرابـي=يـوم القيامـة حسـاب ماتنفعـك ليـت
نـعـيــم جــنـــاتٍ ولابـــــه عــذابـــي=انـس الاهــل دايــم وفيـهـم تسلـيـت
واوصيكـم ونفسـي بـزود الزهـابـي=واحفـظ صلاتـك طاعـة الله بتوقيـت
والختـم صـلـوا عــد شــد الركـابـي=علـى الرسـول وسنـتـه بــه تقـديـت

شعر اخوكم
ابراهيم بن عبدالله بن عبدالعزيز الجلعود

مدينة سميــراء

14 / 6 / 1431 هــ