قصيده للشاعر/ خليف بن ذايب العضيله - °~*¤®§(§ شبـــكة ويــلان العـربـيـه §)§®¤*~ˆ°

**تركي صالح** · 23/05/10, (10:10 AM)

هذه القصيده للشاعر / خليف بن ذايب العضيله

ابحروا معي في سماء الابداع والذي اجبرني ان انقلها لكم هنا لتستمتعوا بها وبجمالياتها المتناهيه

نارن بكبدي تشتعل داخل الحشا=وعجزت لاصبر يوم شبت لهايبة
من صبح لين اذن لنا مذن العشا=واهي تشب ومن ضلوعي حطايبة
وياونتي ونت كسير ولا مشا=رجله عن الممشا من الكسر عايبة
واسباب مابي من غزالٍ توحشا=لن شافة القناص جت عنه هايبة
يجرح فوادي يوم بالرمش يرمشا=ويوم إيتدلع لين بانت ذوايبة
ويلعب بنا لعب المحاله على الرشا=والقلب من بعده تزايد صوايبة
وتابعت خلي لين عن عيني اختشا=اولاني بداري وين وجه ركايبة
ورجعت وليا اللي فبالي ويربشا=ولياه خلي رب الاملاك جايبة
ورتاح قلبي مع حبيبه ودردشا=في غفلتن وعيون الاحساد غايبة
سلملي امره قال سوبي ماتشا=الروح ماتغلى ليا جو حبايبة
وحشا ماحصل مايغضب الله حشا=على الشرف جلست خليف وصحايبة
والا ياعسا مزنن بعيد العشا نشا=على ديرة المجمول تمطر سحايبة

وسلامتكم

**سالم العنزي** · 23/05/10, (01:43 PM)

ذائقه اكثر من رائعه لشاعر مبدع

تركي صالح شكرا على هذا الاختيار وصح لسان الشاعر

**غموض الشمال** · 23/05/10, (05:07 PM)

إنتقاء رائع

تسلم يمناك.. وصح لسان شاعرها

تقديري لك

**نافع عيد الجديد** · 23/05/10, (05:53 PM)

الغالي تركي الصالح
جزل وانتقاء جزل
بانتظار جديدك
رعاك الله