ابى شوي منك احساس

[احساس قلم]

المشاركة الأصلية كتبت بواسطة أحمد العواد

مابي كل تفكيرك ابي شوي منك احساس =مابي كل حبك بس ابي ما تناساني

ابي بس منك وانت جالس ما بين الناس =تذكر غلاي وتذرف الدمع من شاني

مابي اصير لك مثل الهواجيس والوسواس= ابي كل ما غفت عيونك تمناني

ابي لا سألوك الناس وشبك عسى ما باس =تطيح الحروف من المحبه وتقراني

وانا بشتعل لجلك مثل شعلة المجباس=على شان عن برد الشتا حب تدفاني

مابي يصير حبك لي حبرٍ على قرطاس=ليا انه انمسح تكتب على واحدٍ ثاني

تحديت فيك الناس والعاذل البلاس=وتحديت تعذيبي على انهاك وجداني

نحت اسمك بقلبي وقفلت انا الاقواس=وحضنتك ما بين القلب وجفون الاعياني

وشريتك بشي اغلا من اللول والالماس=بقلبٍ سكنته ما سكنه قبلك انساني

مادامي اني عطيتك غلايه بدون قياس=وش اللي حصل بعدالغلا ليش؟تجفاني

فراقك زفيروشهةٍ واحتباس انفاس=مابين الضلوع اللي على الوصل تنخاني

انا ما طلبتك شي كايد طلبت احساس=ابي منك لو طال الزمن ما تناساني

نسختها مره ولو بيدي نسختها الاف المرات
مااروع هذه الابيات
فعلا اقف لها ولك شاعرنا الرائع
لاصفق بحراره
قصيدة لامست الوجدان
اسمح لي استاذي فلو كتبت الاف الكلمات مااوفت
حقكـ في هذه السيمفونه
فقط صح لسااااااااااااانك عدد بلا مدد
تقبل مروري