الحلم الواقع

[عبدالله مطلق العجلان]

من القلب الى القلب إهداء إلى (الحلم الواقع) ... وإلى دوواوين شعراء ويلان بعد طول غياب أصافحكم بهذا النص وأتمنى أن يروق لكم .... وتحياتي للجميع

البسمه اللي بردها يطفي النار=مرت وانا طفيت جمري وناري
ساعة لمحة العين والخد زوار=كن الزعل ماله معي أي طاري
أبحرت في سود ٍ بهن كيد سحار=وغمضت عيني غصب ماني بداري
وصار الخيال اوسع وبعّدت الانظار=وأخذت كل اللي أبي باختياري
ايدي بيدها واتجهنا بمشوار=وأبعدت عن جو السكن والكباري
وصرنا بأرضٍ كلها ورد وازهار=فيها النهر من عالي السفح جاري
نسمع تغاريدٍ على غصن الاشجار=صوت البلابل بينهن والكناري
ثمٍ جلسنا ماتراعيلنا ابصار=ودار الحديث اللي يسر اعتباري
ثم قلت ياورده عليها الندى دار=إنتي من الياسمين ماْنتي جواري
انتي شذاك يفوح ويعم الاقطار=ماهو مثل وردٍ نبيعه تجاري
شوفي الورود اللي حواليننا تغار=رحيقهن قال النحل به مراري
شاف النحل حسنك وجالك ولاطار=إلين جمع من رحيقك وطاري
ياوردةٍ ياما نمنيتك ...وصار=حلمي تحقق بعد طول انتظاري
اليوم ابكشف لك على كل الاسرار=لوطال وقتي وانتهى بي نهاري
أنا أحبك واعشقك عشق بحار=للموج والدانات والليل ساري
وانا أحبك حب ضامي للامطار=عايش حياته في لهيب الصحاري
وانا أحبك حب فارس وصقار=للصقر لامن هد يم الحباري
وانا أحبك حب من يكتب اشعار=لاصار يكتب بالحبيبه يماري
وانا ..وانا..وانا..وانا ..وصار ماصار=فتحت عيني وانكشف لي ستاري
فتحت عيني والا انا داخل الدار=واني مع الافكار بايع وشاري
وان الذي صاير خيالات شعار=وليت الخيال يصير واقع وجاري
وألقى العيون اللي بهن كيد سحار=والبسمه اللي غيرت من مساري

[نافع عيد الجديد]

صح لسانك ملايين حتى الرضاء
قصيده عانقت سماء الابداع
دررمن اول بيت لاخر بيت
لك المحبه والتقدير

[فهد السلقاوي]

صح لسااااااااااااااانك


قصيده رائع

البسمه اللـي بردهـا يطفـي النـارمرت وانا طفيـت جمـري ونـاري
ساعـة لمحـة العيـن والخـد زواركن الزعـل مالـه معـي أي طـاري

تحياااااتي لك ولمعلقتك


فهد السلقاوي

[هندي المقبل]

الشاعر عبدالله مطلق العجلان

صح لسانك على هذا النص الشعري الجميل

من طول الغيبات جاب الغنائم وان شاء الله انه نهاية الغياب

اهلا وسهلا بك مره اخرى

[أبو غرام]

كان طوّلت يابن الحلااااااااااال شوي

الا ياشين بعض الاحلام .. قبل تقول بسم الله

الا انت صاحي

.
.
نص جميل ورائع استمتعت بل ابحرت معه وكنه أنا ^_^

فالف الف صح لسانك ايها الشاعر على ماجدت به

لك من محدثك كل ود وتقدير

[خلف الغريب]

صح لسانك يا عبدالله ومشاعر وجدانية جميلة وحلم شاعر متمكن ..

الف صح لسانك..وبانتظار الجديد

[سالم العنزي]

لبسـمـه الـلـي بـردهـا يطـفـي الـنــار .......... مــرت وانــا طفـيـت جـمـري ونـــاري
سـاعـة لمـحـة الـعـيـن والـخــد زوار ...............كــن الـزعـل مـالـه مـعـي أي طــاري

نص جميل وحرفنه شعريه

صح لسانك