ركني الخاص (كلمات منتقاه)

[النايفة]

ليت ربي خلقني في زمان مضى ,,, يوم الأجواد تفرق بين ظفر وردي

يوم صوت العذارى لانتشر بالفضا ,,, الشرود يتعثر والشجاع يعدي

واتخير عشير للمدايح حظا ,,, لجل يطلع مطاليع الشجاع ولدي

[النايفة]

المشكله ما هي مسافه أو سفر...
المشكله بعد القلوب عن القلوب..
ما مل منهو ينتظر طول السهر
بس البلا من ينتظر رجعت كذوب,,

[النايفة]

احضنيني و اسمعيني للأخير______و اتركي عنِّك سواليف البعاد
الصدر من زحمة أيَّامي ضرير_______عاد تبغينه يفارق له بلاد?!
أبك أنا لامن حضنتيني اصير_______زي عشِّ(ن) فارقه طيره و عاد

[النايفة]

يا إبن الحلال أنت وش تبغى بـ هالدمعة..
بتموت ما شفت دمعة ذل من عيني..

ماني حبيبك إذا ضحيت بـ السمعة..
لا ذلني حب ويش اللي تبي فيني؟..

لا تكسر الود يجرح راحتي جمعه..
يكفيك جرح الحشا لا تجرح يديني..

لا تزهم الليل كل اللي بقى شمعة..
هي كل شي تبقى بينك و بيني..

وهج المكابر تراه بـ يحرقك لمعه..
باكر ترى أقول لك ما عاد يمديني..

أبعدتني و القلوب القشر مجتمعه..
دايم و أنا القاك, دايم و أنت مغديني..

أدور أنا و أنت مثل السبت و الجمعة..
يا قربنا و الصحيح إنا بعيديني..

[هيـاا العـازمـي]

.
.

النايفة

جميل جدا هذا الركن

وأجمل مافيه تلك المشاعر والاحاسيس

التي كثيرا ما جعلتني ألتزم الصمت لأتأمل

إعجابي وتقديري لـِ شخصك غاليتي

واصلي

هيـــــاااااا

[النايفة]

ليه المساء عوق الشقـاوي وطبّـه؟
وليه الهبوب تصحي القلب لا بـات؟

وليه القمر يدعي جريـح المحبّـه؟
ويقول له يا هيه..ما فات ..ما مات

جرحك ظهر لو قلـت للوجـه خبّـه
وللحزن في ضحكك رسوم وعلامات

وليه المطر بالذات ريحـه.. وصبّـه
كنّه رسول بيـن الاحبـاب بالـذات؟؟؟؟؟؟


اشتـاق فيـه لشوفتـك واتنـبّـه
للي نسيته مـن مواقـف ونظـرات

لا استانس الخافق ذكر مـن يحبّـه
ورجع يراجع فالوناسات مـا فـات


**************
**********
****
**
*


محبتـك فالوقـت ذا مـا تشـبّـه
الا بخيمـة بـدو بيـن العـمـارات


ان شفتني ضايق واهوجس واسبّـه
اخاف غدر الوقت.. والوقـت دورات

لا تحسب ان دمعي نـزل دون سبّـه
ابكي من الفرقا وهي مابعـد جـات

الـيـوم كــل امورنا..مستتـبّـه
وبكره ماندري وش معه من مسرّات

اربّ قلبـك مثـل قلـبـي اربّــه
ما يخلفه شور العـرب والمسافـات

[النايفة]

والله وصرتي أمّ ..! خابرك طفلة
مرّت سنين وقالوا الحين هي أمّ

هذا الخبر يستاهل بجدّ حفلة
وأول معازيمي هم الدمع والهمّ

ياغايبة من يوم رحتي بغفلة
وأنا إلين اليوم هذا وأنا عمّ ..!