يــــــا بـــاقــة الـــورد

[احساس قلم]

المشاركة الأصلية كتبت بواسطة مزيد المزيد

اسعد الله اوقاتكم بكل خير ,,,

ماعاد لي في باقة الورد حاجه=من يوم خانتني يديه الكريمه

.

.
.
.
.

ياورد صنتك عن سموم العجاجه =وحفظت قدرك والهديه عظيمه

هدية اللي بس رفة حجاجه = عندي لها قدر ومقام وحشيمه

اللي مزاجي مقترن مع مزاجه=اضحك ولو ظروف وقتي أليمه

.

.
.
.
.

واليوم صرح الصدق طيح سياجه=وبانت اموره والعواقب وخيمه

ياورد لو هو قال سر انتهاجه=وبرر لي الموقف بنيه سليمه

والله لــ أقبل زلته واحتجاجه =وادمح له الغلطه ولو هي جسيمه

لكن تكبر في غرور وسماجه=وسدد لي الطعنات غدر وظليمه

لين استباح من الظلوع انعواجه = وارهى على صدري مياسيم ضيمه

اقفى يدف الضيق قبل انفراجه = واقبل وجرحي فوق كفه غنيمه

.

.
.
.
.

المعذره ياورد مافيه حاجه =تجبرني احفظ قيمتك والحشيمه

المعذرة ياااااااااااااااااورد مافيه حاجه
تجبرني احفظ قيمتك والحشيمه
لاشيء جديد ابداع من مبدع
صح لسانك مليوون ولايكفوون

[مزيد المزيد]

الاخت احساس قلم


الابداع بتواجدك واطرائك الكريم

لاهنتي على الحضور وصح بدنك

دمتي بخير