اسمعي .... يا مهبولة !

[احساس قلم]

المشاركة الأصلية كتبت بواسطة نفاع العنزي

لولا فروض تقتضيها الرجولة = لأبيع عقلي واشتري عقال جهال
وآخذ على جور الليالي عمولة = وأعيش نغمة بين ناي وموال
الروح توله والأحاسيس توله = والحب لعنة صاحبت كل الأجيال
قومي العبي عيشي حياة الطفولة = عيشي حياتك والعبي مثل الأطفال
بدري على هم العقل يا مهبولة = العقل في سنك يسمونه هبال
بدري على هم السنين العجولة = بدري على حمل تجي فوقه أحمال
عيشي جنون السن عرضه بطوله = هموم الليالي يا بعد همي طوال
أبيك طفلة بابتسامة خجولة = وأبيك حلم كنت أعيشه ولازال
وأبيك علم وأفتخر يوم أقوله = وأبيك نخوة لحظة النصر تنقال
وأبيك شعر لا سمعوه شهدوله = وابي المعاني في بحر شعرك ثقال
وأبيك بيت كلهم صفقوله = خوضي بحور الشعر في كل الأشكال
خوذي على مشاعر القلب جوله = وتبختري ما دامك بحضرة رجال
لكن تعالي .. واسمعي يا مهبولة = مثلي .. فلا حبك بها الكون رجّال

يااااااااااااااااااااااااااااااااااااااااااااااااا ااااااااااااااالله
يااااااااااااااااااااااااااااااااااااااااااااااااا اااااالله
يااااااااااااااااااااااااااااااااااااااااااااااالل ه
مااااااااااااروعهااا هذه الابيات
لازلت اتابع لك وسااضل استاذي
نفاع العنزي
صح لسانكـ عددددد بلا مددددددد
تحية تقدير لك