اه يالليل الشتاء

[طلال معيض]

اه ياليل الشتاء جيتـك حزيـن =
دامك اطول من نهارك في شتاك =
لايبين الصبـح تكفـى لايبيـن =
خلني باسهر على حزني معـاك =
ودي اخفف من الجرح الدفيـن =
وانت ساتر ودي استرها وراك =
مايعيب الرجل كـود بحاجتيـن =
اكتب الحكمه على صفحة مداك =
دمعة الرجال والعلـم المشيـن =
والله ان ايطيح من عالي سماك =
والقضيـه كلهـا فـي كلمتيـن =
حب ن اعمى ماوراه الا الهلاك =
ابتدت ياليل قبل اربـع سنيـن =
صرت انا المملوك بعيون الملاك =
عمرها العشرين والعقل الرزين =
داخل حدودي يسـوون انتهـاك =
صرت عند البـن كاالمتسلليـن =
افتكه جيـش السعوديـه فتـاك =
كل ماقربت لـدت لـي بعيـن =
من حياها تقول لي عـود وراك =
قلت ماعندي نوايـا الطامعيـن =
جابني يمك ترا ريحـة شـذاك =
قلت خوذي دين مكبول اليديـن =
اقبلي قلـب ن شبكتيـه بشبـاك =
يافطينه واسمعي كلمـة فطيـن =
من يبيعك في حياتـه ماشـراك =
والله انـي ماابيعـك بالثمـيـن =
كل غالي يابعد روحـي فـداك =
روحت ياليـل والعلـم اليقيـن =
قالت الموعد هنـا حـزة لقـاك =
والعلاقـه بيينـا تبـدا تزيـن =
حبها ياليل اعمى مـن عمـاك =
من رداة الحظ والحـب اللعيـن =
جيت ابوها طالبه غصن الاراك =
كل شي يطلبـه دونـه سجيـن =
لاتقرب من عصى ماهي عصاك =
قلت قاسي قـال لايمكـن يليـن =
قلت يامغـرور قـال الله بـلاك =
لين ضاق الصدرواقفيت استعين =
يالله انك لاتخيب مـن رجـاك =
يالله اني طالبك حلـو الجبيـن =
ذيك لامن ةشفتها شفت ارتبـاك =
وانتهت ياليل في لحظه وحيـن =
وان بغيت احيان يصعب مبتغاك =
لجلها جيتك وانا كلـي حزيـن =
خلني باسهر على حزني معاك=

[عوض بن خميس]

الاخ طلال معيض
صح لسانك وسلمت يمينك.قصيدة جزلة من شاعر مبدع
تقبل تحياتى ومودتى

[طلال معيض]

عوض بن خميس الابداع منكم يستمد شكرا الف على اطرائك

[سعد النفج]

طلال معيض

صح لسانك ..

نص قصصي رائع ..

احداث صورها لنا النص و تسلسل في الفكره ..

نص رائع ياطلال ..

دمت بخير ..

[طلال معيض]

سعد النفج شكرا لك ولك تحياتي

[هندي المقبل]

الشاعر طلال معيض

صح لسانك على هذه القصيده الجميله

تقبل اعجابي بما تكتب

[مها الوايليه]

المشاركة الأصلية كتبت بواسطة طلال معيض

اه ياليل الشتاء جيتـك حزيـن =
دامك اطول من نهارك في شتاك =
لايبين الصبـح تكفـى لايبيـن =
خلني باسهر على حزني معـاك =
ودي اخفف من الجرح الدفيـن =
وانت ساتر ودي استرها وراك =
مايعيب الرجل كـود بحاجتيـن =
اكتب الحكمه على صفحة مداك =
دمعة الرجال والعلـم المشيـن =
والله ان ايطيح من عالي سماك =
والقضيـه كلهـا فـي كلمتيـن =
حب ن اعمى ماوراه الا الهلاك =
ابتدت ياليل قبل اربـع سنيـن =
صرت انا المملوك بعيون الملاك =
عمرها العشرين والعقل الرزين =
داخل حدودي يسـوون انتهـاك =
صرت عند البـن كاالمتسلليـن =
افتكه جيـش السعوديـه فتـاك =
كل ماقربت لـدت لـي بعيـن =
من حياها تقول لي عـود وراك =
قلت ماعندي نوايـا الطامعيـن =
جابني يمك ترا ريحـة شـذاك =
قلت خوذي دين مكبول اليديـن =
اقبلي قلـب ن شبكتيـه بشبـاك =
يافطينه واسمعي كلمـة فطيـن =
من يبيعك في حياتـه ماشـراك =
والله انـي ماابيعـك بالثمـيـن =
كل غالي يابعد روحـي فـداك =
روحت ياليـل والعلـم اليقيـن =
قالت الموعد هنـا حـزة لقـاك =
والعلاقـه بيينـا تبـدا تزيـن =
حبها ياليل اعمى مـن عمـاك =
من رداة الحظ والحـب اللعيـن =
جيت ابوها طالبه غصن الاراك =
كل شي يطلبـه دونـه سجيـن =
لاتقرب من عصى ماهي عصاك =
قلت قاسي قـال لايمكـن يليـن =
قلت يامغـرور قـال الله بـلاك =
لين ضاق الصدرواقفيت استعين =
يالله انك لاتخيب مـن رجـاك =
يالله اني طالبك حلـو الجبيـن =
ذيك لامن ةشفتها شفت ارتبـاك =
وانتهت ياليل في لحظه وحيـن =
وان بغيت احيان يصعب مبتغاك =
لجلها جيتك وانا كلـي حزيـن =
خلني باسهر على حزني معاك=

ابيات رائعه جدا
تقبل مروري
ودمت بخير