رحلة مع شاعر..؟ - °~*¤®§(§ شبـــكة ويــلان العـربـيـه §)§®¤*~ˆ°

**صالح الضويحي** · 20/10/05, (08:38 PM)

اقتباس:

المشاركة الأصلية كتبت بواسطة المسيكي

شفت السلف فاتوا على جيش وامهار
وشفت الضعون المقفيـه والغناديـر
ويوم أختفوا طلعت بـرا عـن الـدار
فزيـت أبرقـا نايـفـات العناقـيـر
الياآني بحوش وبين بابيـن وجـدار
مامن سلف حولـي ولامـن مظاهيـر
احلام ليـلٍ مـن هواجيـس الأفكـار
سوّن بلقبي فـي منامـي مصاخيـر
طرى عليّـه سجـةٍ عقـب الأمطـار
بدفّـاق هملـول المـزون المباديـر
ياما حلى صـوت أم سالـم بالأقفـار
والجو هـادي مابروضـه معاصيـر
مستانسيـن بصوتهـا وسـط نـوّار
نسمع غناها طلعت الشمس واعصيـر
والديك مانوحيـه يلعـي ورا الـدار
وباليل مانسمـع رجيـف المواطيـر
ياغير عوي الذيب أو حنّـة احـوار
وصوت النجور اللي تجيب المساييـر
اليا أنتهـى المربـاع وردوا للأبيـار
وكلٍ لذوده جر حوضـه علـى البيـر
يازين شوف اضعونهم هـاك الأدوار
وشوف النزول اللي على الماء مقاطير
يوم الشباب ويـوم لفتـات الأنظـار
لبيض الخدود اللي عليهـن دواويـر

اشكرك يابو شايح على افكارك النيره

وبارك الله فيك وبطرحك المتميز دائما

لكني لا امتلك نصوص للشاعر عايد بن ضافي

ونتمنى من لديه شي لاخل علينا

وانا مع الاخ فاضي عبدالعزيز فيما ذهب اليه

وان يكون شاعرنا القادم الشاعر الكبير عايض بن حامد العنزي

ولاشك ان أبو جزام شاعر غني عن التعريف ورغم ابتعاده عن الاعلام إلا انه شاعر كبير يعد من كبار شعار عنزة وهذي حقيقه ستثبتها لكم قصائده بإذن الله

مع اني لم اسمع له كثيراً الا أنه كذلك .....

ودمتم بحفظ الله

وياهلابك والله

حضورك هو التميّز والجمال

واستمرارك معنا معناه استمرار الرحلة بجمالية الشعر وسمو الكلمة

لاهنت يالغالي

وابشر بما طلبت قريبا سوف تكون رحلتنا مع الشاعر

عائض بن حامد

وستكون رحلة ممتعه ورائعه

احترامي لك وتقديري

**رنــا** · 22/10/05, (05:38 AM)

سمو النفس / الشعر
صالح الضويحي
.
.
هنا المح مسارات تلألأ النجوم
تتخلل حضورك .. واضافتك
وتثير في الفكر تأني القرأة
وتتحول الأسطر الهامدة
الى ازهار تتناثر اوراقها فرحاً
حضورك .. بعثرتك
أضافتك .. تفننك
رائع وبهــي
لاعدمنا تواجد قلم
مثل قلمك
يُسعد لـه كل من قرأ
سـ أكون متابعة
لحرفك
وحروف ضيوفك .. من الشعراء
والأن
سـ أضع للفكر
متسعاً من النقاء
لقرأة مايوضع هنا
.
أطيب التحايا

**صالح الضويحي** · 22/10/05, (08:41 PM)

اقتباس:

المشاركة الأصلية كتبت بواسطة رنــا

سمو النفس / الشعر
صالح الضويحي
.
.
هنا المح مسارات تلألأ النجوم
تتخلل حضورك .. واضافتك
وتثير في الفكر تأني القرأة
وتتحول الأسطر الهامدة
الى ازهار تتناثر اوراقها فرحاً
حضورك .. بعثرتك
أضافتك .. تفننك
رائع وبهــي
لاعدمنا تواجد قلم
مثل قلمك
يُسعد لـه كل من قرأ
سـ أكون متابعة
لحرفك
وحروف ضيوفك .. من الشعراء
والأن
سـ أضع للفكر
متسعاً من النقاء
لقرأة مايوضع هنا
.
أطيب التحايا

هلا بالاخت الوافيه
وملكة الخاطره وسمو الفكر

يسعدني تواجدكِ بل يعني لي الشي الكثير
انطلاقا من ثقتي بمايكمن خلف حرفك من ابداع فكري واسلوب راقي
سا انتظركِ دائما
ولكِ كل الشكر والتقدير على ماخطه قلمك بمداد الحب والنقاء00

دمتي متميّزه

كل الود والاحترام

**فاضي عبدالعزيز** · 17/12/09, (09:38 AM)

سبق ون اعودتكم ان ابحث عن المزيد

من قصايد الشاعر الرحل عايد بن ضافي

وهذ قصيده رواها لي جدعان بن علوش الجعفري

وعدكم بان ان انزل له هنا السبوع القادم

هنيت من يالحق تمانيه يا حنيف@=@قبل يصير ال تالي العمر ساموح
كافحت مع وقتن ادروبه تعانيف@=@نبي نضد الوقت والوقت مكبوح
راحت جديد ايامنا والعجاريف@=@وين اليال الي بها ضحك ومزوح
الله كريم يبدل الوقت بالريف@=@عقب المحل يرجع للوطان برشوح
بدرب السحاب اللي المزنه رفاريف@=@بخشوم غراَ بدجاء خلت له ضوح
ان ربعت نفودنا والاطاريف@=@والبر زان وصار بالبر مصلوح
من شان نرحل الطعوس المشاريف@=@او للجلد ياقيل بذكر ممدوح
عشبه جديد وكل ماذعذع الهيف@=@ريحه اليا هب الهو ينعش الروح
الياختلط عشب الدحل والقفاقيف@=@ماتفرق الريضان من خضرت السوح
مار اليالي معطني على الكيف@=@ولا ان ودي اترك القصر واروح
بيتاً بله دوٍ تجيه الهذاليف@=@اخير من قصر المرندات وسطوح
ومشيك مع البيداء اوساع الاطاريف@=@مع كل درب باب الارزاق مفتوح