أنا نسيت إني أعرفك لـي أعـوام - °~*¤®§(§ شبـــكة ويــلان العـربـيـه §)§®¤*~ˆ°

**ابراهيم الغريب** · 31/10/09, (11:21 PM)

أنا نسيت إني أعرفك لـي أعـوام=كني أشوفـك لـي ثوانـي قليلـه
وكني مع الواحد تعديـت الأرقـام=باعد وأغلـط بالصفـات الجليلـه
يحق لك زّي القمر صرتوا أيتـام=وكل المشاعر صفقت لـك خليلـه
وخل الليالي بااسود الرمش نّيـام=واسّمع دبيك القاف واسّمع صهيله
وترا المسافه بين الأوراق الأقـلام=تلقى الرسايل بالسطـور الجميلـه
وتّرك مواضيع الليالـي والأيـام=موضوع واحد يستحـق الطويلـه
من طاح في سكر هلل الملح ماقام=يللي على متنـك تشيـل الجديلـه
وضيف الهقاوي بحمر الوقت مادام=خان الهقاوي والوعـد والوسيلـه
واللي ذبحني ماجرحني من إقـدام=إصراري اللي بالقصايـد أشيلـه
يرتاح فيني يوم وأرتاح بـه عـام=لـو المشاعـر بالمعانـي عليلـه
مامرنـي ظنـي ولاجيـت بلهـام=دام الحقيقه بـرق دايـم أخيلـه
تّوي وصلت وقالوا الـدرب قـدام=وكني غديت من الرموش الظليلـه

**حمد الخمعلي** · 01/11/09, (01:37 AM)

الاخ ابرااهيم الغريب0

سلمت على المعزوووفه الراقيه0

صح كلك0

تقديري

**بدر الخلاوي** · 01/11/09, (04:42 AM)

قصيده كلها جزله لفت انباااااهي يرتاح فيني يوم وارتاح به عاااااااااااام قمه
صح لسااااااااااااانك وسلمت انااااااملك

**سعود المسعودي** · 01/11/09, (11:08 AM)

الاخ ابرااهيم الغريب0

صح لسانك إلين ترضا

قصيدة جزلة من رأس جزل بالمعاني

أبيات عانقت الأبداع

**سعد النفج** · 01/11/09, (07:48 PM)

ابراهيم الغريب
صح لسانك ..
نص رائع من شاعر أروع ..
جزل يا ابراهيم ..
دمت بخير

**مرضي الخمعلي** · 01/11/09, (10:03 PM)

وترا المسافه بين الأوراق الأقـلام
تلقى الرسايل بالسطـور الجميلـه

إبراهيم الغريب
شاعر وإعلامي متميّز.

كأني لم أغب عن إلقاءك لهذا النص ساعة واحدة.

تحياتي

**سالم صالح** · 01/11/09, (10:36 PM)

ابراهيم الغريب

صح السانك قصيدة جزلة من شاااااعر جزل

تقبل تقديري