مليـــــــــت من كثر ماقيل:::::::::: - °~*¤®§(§ شبـــكة ويــلان العـربـيـه §)§®¤*~ˆ°

**حمد الوايلي** · 21/10/09, (06:45 PM)

ياصاحبي مليت من كثر ماقيل=روتين نهج السالفه من ردا طال
الانظمه تلقا من الناس تعطيل=وميزان عقل المرء مافيه مثقال
الفرع يرجع ينطلب فيه تأصيل=مثل الجداول من منابع ومنهال
نحتاج بالواقع عن العجز تحويل=تطوير بالتفكير وزراعة اجيال
نبنى أساس المجتمع دون تخليل=ونزيد في حجم التكاتف والاقبال
دعم المناهج يرتجا منه تحصيل=نرجي النتايج والعمل صار بطال
نملا فراغ الأسئله دون تحليل=ولاجا الفشل جانا عتب تقل شلال
وأعقولنا للبيع مع شرط تقبيل=وأحساسنا يغلب على كل الأحوال
هذي نتايجينا وهذي المواصيل=وقال المثل مايحجب الشمس غربال
آن الأوان نشد في حلمنا الحيل=وننجح مع الايام ونحقق آمال
نشعل من العلم الأساسي قناديل=ونحط دون الجهل مزلاج وأقفال
بعض البشر يعيش وآمره تساهيل=لكن بلا معنى وأذا ميلو مال
البحر الأبيض لاجرى وسطه النيل=مايختلط والعذب دون البحر حال
نسعى ورى الدنيا جيلن ورى جيل=ونهدم مبادي الدين ونبني له أشكال
وأنا ترى مليت من كثر ماقيل=مادام نهج السالفه عندنا طال

**عوض بن خميس** · 21/10/09, (09:54 PM)

اللة اللة اللة عليك حمد الوائلى
صح لسانك وسلمت يمينك نص من العيار الثقيل روعة فى التصويروالمفردات الرائعة
استمتعت بهذة القصيدة ووقفت امامها طويلاااااا
شكرا حمد على هذة التحفة الرائعة
تقبل تحياتى

**ماجد الغانم** · 21/10/09, (10:00 PM)

الغاالي

حمد الوايلي

صح لساانك ..ولاهنت

حضور مميز

دمت بكل خير ...ودام هذا التميز المتواصل

تقبل جل تقديري واحترامي

**حمد الوايلي** · 21/10/09, (10:32 PM)

عوض خميس
ماجد الجعفري

صحت ابدانكم وشكرا مدد بلا عدد على هذا المرور وتقبلو تحيات محبكم حمد الوايلي

**البدر** · 22/10/09, (11:15 AM)

حمد الوايلي

شاعر عذب يطرب السامع ويمتع القاريء

صح السانك

**بدرفهد الجعفري** · 22/10/09, (11:32 AM)

لله درك ياحمد

دائما تمتعنا بقصائدك

صح لسانك

**سعود المسعودي** · 22/10/09, (06:57 PM)

حمد الوايلي

صح لساانك ..ولاهنت

حضور رائع

دمت بكل خير