قصيده رائعه للشاعر خالد بن سبيل العنزي

[شاعر البيتين]

الرس لو يرويك لابد تشناه = لو ترتوي من ماه أحذر مديحه
وأحذر تحطه عند وجهك بمضماه = لاتتكل بالقيض خذها نصيحه
وهداج لو وردوه ماغيضوا ماه = تسعين غرب ٍ ماتبين ضحيحه
شيخ الجويه يرتوي كل من جاه = ماعمرهم قالوا عدوده شحيحه
والورد ينبت ورد لو شان مسقاه = ينبت ورود ٍ ينعش القلب ريحه
والطيب رجم ٍ يتعب الرجل مرقاه = واللاش عن مرقاه رجله مريحه
واللي يدور المجد يتعب مطاياه = والطيبه لأهل الوجيه الفليحه
وبعض العرب مثل الوجع يوم تكماه = أن طال يذبح وأن شكيته فضيحه
واللي طعني بأوسط القلب وأدماه = أقولها من كل قلبي صريحه
لو ماتعرض شاعرٍ قال وأغراه = نسج القوافي وأمتحان القريحه
ليته تركني وأترك هداه برداه = وأقول مني جعل ربي يبيحه
خذ لك نصيحة واحد ٍ جاه ماجاه = أترك كثير الهرج وأمسك صحيحه
والله لجره جرة الذيب لعواه =حزني ولا أرضى دوني شفي مطيحه
مادام راسي حي والله والله = أما ذبحت الهم وألا ذبيحه

[عبدالعزيز السعود]

صح لسان شاعرها ..
وسلمت يمين ناقلها..
ذائقة مميزة لشاعر مميز..

[محمد خلف الزايدي]

وبعض العرب مثل الوجع يوم تكماه = أن طال يذبح وأن شكيته فضيحه
واللي طعني بأوسط القلب وأدماه = أقولها من كل قلبي صريحه
لو ماتعرض شاعرٍ قال وأغراه = نسج القوافي وأمتحان القريحه
ليته تركني وأترك هداه برداه = وأقول مني جعل ربي يبيحه
خذ لك نصيحة واحد ٍ جاه ماجاه = أترك كثير الهرج وأمسك صحيحه

سلمت اناملك ياشاعر البيتين على هالنقل الرائع

وصح لسان الشاعر خالد سبيل لقد عبّر عن معاناه يبدو انها مريره

بعض الشي وهي ماتحويه هذه الابيات الخمسه ان صدق التعبير

فنبراتها موجعه ومدفونة المعنى ويسودها الغموض والتعتيم

فا أسال الله يحل كربته ويصلح أحوال المسلمين ويعين الصابرين



تحياتي وتقديري للجميع

[الــهــنــوف]

خذ لك نصيحة واحد ٍ جـاه ماجـاه
أترك كثير الهرج وأمسك صحيحـه

الله عليك أخوي شاعر البيتين

قصيده رائعه بالفعل

تسلم يمناك على هالنقل الراقي

وصح لسان شاعرها

[سعود المسعودي]

صح لسان شاعرها ..
وسلمت يمين ناقلها..