قصيده للشاعر بندر بن سرور (ماني وانا بندر)

[ابوحنين]

قصيده بندر بن سرور
قصيده للشاعر بندر بن سرور

هذي قصيده للشاعر بندر بن سرور

وبعدها خرج وهو مختل عقليا

القصيده:ماني وانا بندر

يالله ياجال الامور المهمــــــــه = تجلا وهـــــج قلب برا حال راعيـــــه
البر دجته والبحر رحت يمـــــــه = يقطعك ياحظ على الله مساعيـــــــه
يوم ان ولد اللاش رزقه على امه = رزقي على اللي ميت القشع يحييـه
يامل قلب كل مامات همـــــــــه =دارت دواليب الدهر لين تحييــــــــــه
فراق شمل الناس عيا يلمـــــــه =وقت يشيب الـراس من شاية فيــــــه
احد ينام وحاط راسه بكمــــــه =واحـــد تخم النوم عيـــنه وتخطيــــه
واحد يحاول بالردى بنت عمـه = واحد يحاول ستر عذرى عوانــــيــه
ماني وانا بندر ببياع دمــــــه = يقطعك يابيــــاع دمــــه ومهفيــــــه
اللي يبيع لابسات الازمــــــــه = ثور يــبابيض الرعــــابيب تغنيـــــــه
يزعل ليا جت ليلة الدور يمــــه =يرضى بسوق المال فخوه وفابيـــه
خطو البخيل اللي يكبر معمــه = يقرا الكتاب وواجب الله يخليـــــــــه
إمر هرج لك في رفيقه بنمــه =والا عطا وامه تضـــيع هقاويــــــــه
أنشدك ياللي كل فرض تتمـه = تقرا الكتاب وكل فـــرض تصليـــــــه
ويش القليب اللي غميق مجمـه = مافاد غرسه ماه وعطشى سوانيــه
تخالف الانظار شرق ويمــــــه = وكل هدف رآيه من الناس مرضيـــــه
سم السبب ياعارف عنه سمعه =سم السبب ياعارفه قبل اسميــــــه
:
:
:
وبعد هذي القصيده يقال له بين ابناء عمومته مرجوج
وذهب في يوم عندي شيخ قبيلتهم وطرق الباب وردة ابنت الشيخ وسئلها عن اباها
فذهبت تنادي ابها بصوت عالي وتقول : يبه المرجوج عند الباب يبيك
فقال هذي القصيده فيها

يا مالي الذرعان مانيب مرجــــوج =رجتــــــني الدنيا بغدر وحيلـــــه
يابنت لولا اللي على تاسع الفــوج = تركت نجــــد وعزوه بالقبيـــــله
لا شك حاديني على نجد هـــيدوج = مسقى الفيافي لين يدرج مسيله
تركي لي من البلاوي غدن عـــوج =حملــه عتيبه كلها ماتشيلــــــــه
يرسى كما مينا البواخر على الموج= ومنين ماصك البحر ترتكيلــــــه
مادام تركي حي مـــــــاودي ادوج =وان غاب غبت من الرجوم الطويله

بعد هذي القصيده يقال ان عقله زاد في اختلاله وبدا ينشد الشعر في اوقات مختلفه وطويله فيما بينها وكانت حكيمه على انها كانت تخرج من فم مجنون
وقد حير الشعراء قوة شعره والحكم اللتي بها خاصة بعد جنونه ]منقولة

[احساس قلم]

اخوي ابو حنين
بندر بن سرور غني عن التعريف
وقصايده دايم من الوزن الثقيل
صح لسانك والسانه
وسلمة ل هذاالنقل
دمت بوددوما

[هيـاا العـازمـي]

رحم الله ابن سرور وأسكنه فسيح جناته

كان شاعرا غنّي عن التعريف

وأغلب قصائده غير متداوله بين الناس

لإنه الزمن الذي كان يعيش فيه شاعرنا لم يكن فيه من التطور

مثل يومنا هذا

الا إنه سيبقى في ذاكرة كل شاعر بل في ذاكرة كل من يحب

الأدب ونهل منه ما يستطيع.

.
.


هناك الكثير من قصائد ابن سرور التي أثرت فيني شخصيا كثيرا

خاصة قصائده عن اليتم والفقر والحاجة ومعاناة الغربة

وسبحان الله كل القصائد في تلك الأمور

لم تزده الإ إيماناً بالله سبحانه تعالى

لم يكن مجنونا ولم يكن شاعرا من شعراء الصعاليك

كما أطلق عليه الكثير من النقاد

لكن لأن قصائده تتحدث بلسان حاله ..

فقد عانا به من الويلات ما يكفي وكذلك ومن المتناقضات الكثير

رحم الله ابن سرور وأسكنه فسيح جناته

.
.

شكرا ابوحنين

تقديري

هيــــااااا

[سليمان الجعفري]

رحم الله الشاعر الكبير/ بندر بن سرور

هوعلم من اعلام الجزيرة العربيه ومن اقوى شعارها

مشكور اخي ابوحنين على نقل القصائد الرااائعه

تحياتي

[سعود المسعودي]

مشكور اخي ابوحنين على نقل القصائد الرااائعه

تحياتي