حــبـيـبــة الـلــيل ..

[الخاطر]

المشاركة الأصلية كتبت بواسطة علي السابل

كل عام وآل ويلان بخير واتمنى قبول هذه الخجلى ..

مااحد مشى في طريق الشوق وهو مكره =ياكود انا والمتاعب غصب ماشيها
أنفض تراب الزمن عن سالف العشره=واجمل لنفسي الحاضر بماضيها
تغيب شمسي وحلم شروقها بكره=ما جاب ليل الشتا والبرد طاريها
أظماك غيث الهوى واشربك من نظره=اروى حلاها ثواني وارجع ابكيها
وتغرق حروفي بهاجس ذكرك العبره=وابكي قصايد وتبكيني معانيها
بيت القصيده ليا حطيتك بصدره=تشرق بك حروفه اولها وتاليها
حبيبة الليل لياهب الهوا عطره= مالت غصون الغلا يمة سواقيها
الصمت مايستوي واحساسنا يشره=ونظرة عيونك حكاية عشق ترويها
والهمسه اللي تولع قلبي بأسره=من شحها ما تبل عروق ضاميها
والخاطر اللي سنين ولا برا كسره=ماطاع يشكي من ايامه تماديها
ولو كان عذر الزمن هو سالفة غدره=اهل الوفا ما تغير به مباديها

الغالي والقدير.
الشاعر الكبير.
علي السابل.
كل عام وانت بكل خير.
قلت سابقا ومازلت اقول الى الان بانه عندما يحضر علي السابل يحضر الشعر معه.
لانك انت الشعر ولانك انت الرائع ولانك انت المبدع لانك بكل جديد وقديم تجبر الايادي على التصفيق بحراره لاننا نعطش ونجوع ولانرتوي ولانشبع الا عندما نقرأ لك.
ابو مصعب تعديت الابداع فضل الابداع يلاحقك ولكنك تجاوزته بمسافات بعيده جدا.
والله وليست مجامله بكل الشوق ننتظر كل مايبوح به هذا القلم الفاخر.
صح لسانك ملايين يابو مصعب وكل عام وأنت بالف مليون خير.
اخوك محمد العنزي.