يذكرني بها حزة غيوب الشمس وشراقه

[محمد خلف الزايدي]

الا واجض قلبي جضت اللي من كسر ساقه = تحطم عظم ساقه ما قوى رجله يوطيها
رماه الحظ الاقشر وانحذف من راس شوهاقه = تسوقه قدرة الايام ما يعلم بخافيها
تصفق به زمانه واصطفق وايام صفاقه = تكالت به همومٍ قاسيه ماهو بقاويها
على اللي دايم عيوني لها باالحيل مشتاقه = اعيش بقربها وافرح ليا من جيب طاريها
رشيقٍ جسمها لاهي بمليانه ولا دقاقه = عطاها الله جمال الكون كله واعتنى فيها
لياحضرت مع الخفرات عند اللعب شواقه = تهز الردف ثم يهتز شعر اشقر مغطيها
يذكرني بها حزة غيوب الشمس واشراقه = من الجذله غطاها الزين لين اسفل مواطيها
عسى اللي بينا حبل الصداقه شد مغلاقه = قطع ولف القلوب وعن بعضها ابعد مشاحيها
تجيه مصيبةٍ كبرى من الله تقطع ارزاقه = يموت وفي عذاب الاخره نار ايصاليها
ابنخى شيوخ وايل بالوفا حماية الساقه = زحازيح الشيوخ اللي تفز بوجه عانيها
وبنخى شيوخ نجد اللي لبيع العمر سواقه = تسوق ارواحها للموت ماتحسب تواليها
عسى ياشيوخ نجد الياحضرتو نرفع الباقه = نرش من الورود وتصلح الدعوى وننهيها
اريح واستريح وخافقي يبتلن أوراقه = وتزهر شجرةٍ حر الضماء والقيض شاويها

أخي طلال العزيز,,


صح لسانك ودام إبداعكـــــ شعرعذب مفهوم للجميع لايحتاج
شرح معاني ولا تحليل مجازات لله درك على هذا الطرح الراقي

ملالحظه هامه ياعزيزي !!

يرجى مثل هذه القصيده ان يوضع عنوان باول الصفحه
( فضلاًلاتناسب الكبار وتكون القصيده باأسفل الصفحه )

لأن مثل هذه القصيده تدق على أوتارخامله لا حراك لها
وان تحركت لاتقاوم التيارات الجديده والأمواج الهايجه
والمعايير المختلفه بين الجيلين فايكون نصيبها من ذلك
الهم والحسره وكثرة التوجع وهذا من أشد انواع التعذيب
للروح والجسد على شي مستحيل المنال ,,,

التايه اللي جاب بصري يقنه = نقض جروح العود والعود قاضي

تقبل تحياتي وتقديري
ابوعبدالله