مشابهه لقصيدة رابح الغضيان

[أبو غرام]

يظهر ان الشعراء مرهفي الحس بقوه خااااصة في العيادات والمراكزوالمستشفيات الصحيه

ووين ما راحوا يرتحل الاحساس المرهف كذلك معهم

وهذا هو الشاعر :

عايض ابن سرحي العتيبي : يتغنى بحوريه في العيادات حينما ذهب لعيادة الاسنان

تماما كما فعل شاعرنا رابح الغضيان في قصيدته العيادات عندما لاحت له حوريه هو الاخر
ادت لتطويف الموعد

الظاهر

يا ان العيادات فيها حور وزين غير ... يا ان الشعراء يسمعون ان الحور يلبسن ابيض بالجنه :d

الوكاد والذي لا نختلف عليه

انهم مرهقي الاحساس ......... واينما انتقلوا وحلوا حل الاحساس معهم وانتقل

إليكم القصيده :

رحت اعالج عند دكتور السنون اسنونـي=واعترض لي عند باب اعيادتـه حوريـه
فتنةّ منهـا يضيـع المغـرم المفتونـي=درةّ مامثلهـا فـي الكـوره الارضـيـه
شفتها لكن ماصدّقـت شـوف اعيونـي=واسلبت منـي جميـع الفكـر والحريّـه
ياطبيب الضرس هيّن شف اعلاج اطعوني=كان عندك للطعون اعـلاج عايـن فيّـه
ياطبيب اللي على ارواح البشر مامونـي=علمـوه يعامـل الشـيّـاب بالحنـيّـه
لايصيـر الله يجّنبـه الخطـر فرعونـي=ويتلاعب في عقول الناس روحـه جيّـه
والسهوم اللي مواقعهـا وراي ودونـي=الله يعـدي فـوادي روسهـا المبـريّـه
من يوقّع في فـواده سهمـه المسنونـي=يعتبر نفسه من احساب الضحايا اضحيّه
قلت بعـد اليـوم لاخطبـه ولا ماذونـي=كيف اعدّي من اسهوم النظره الشرعيـه

[نافع عيد الجديد]

صح السانك والسان شاعرها

ابو غرام انتبه لاتزور المستشفيات والعيادات وسوق برزان

هههههههههههههه تراك تروح فيها

شكرا لك على الاختيار المميز اللذي بالفعل ذكرنا بقصيدة الشاعر الكبير رابح الغضيان(العيادات)

تحياتي لك وتقديري

[أبو غرام]

يووووووه

صح تذكرت

لقيت لك قصيده في ديوانك عن برزان


ههههههههههه

لا لا

اجل من الان بنسوي حضر

ممنوع اي شاعر يشوف بنت حلوهـ

خخخخخخخخ

اما انا ... فانا فوق الحضر ... ^_^

وبعدين انا مسالم يعني لو أشوف

أتلذذ بسرعه وثم اتعوذ من ابليس واركد

خصوووووصاً

لا من نكختني المدام بيدها

وقالت :

وين تناظر ؟. ^_^

ههههههه

حياك الله خيوووووو وسعدت بردك

[فهد السلقاوي]

رااااااااااااااااائع

نقل رائع وقصيده جزله


انا مابلاي من المستشفيات

انا بلاي من شين ثاني


شكرا لك ولموضوعك المميز اخي ابو غرام

[أبو غرام]

هلااااااااااااا بك فهد

والاروع هو حضورك وتنويرك متصفحي

[عوض بن خميس]

المتجدد فى عطائة المتالق فى اسلوبة المتفرد فى ذوقة
ابو غرام
تحية لك اخى على هذا النقل الجميل والقصيدة الجميلة.
خاصة
انها قد تدق ناقوس الذكرى فى عالم النسيان.
شكرا
مرة اخرى على هذا النقل الفريد من نوعة

[أبو غرام]

هلا بك يالعشير

هلا والله ابو احمد

حضورك جميل زاد موضوعي اشراقا وتنويرا

لاحرمني الله تواصلك ودعمك

اخوك

ابو غرام