خيــول العنــا . . .

[عبدالله مقبل]

المشاركة الأصلية كتبت بواسطة صالح التويجري

الله الله




صح لسانك و صراحة وش اقتبس و وش أخلي ؟!!...

انا اللي بقتبس كلامك واعتز بتعليقك على قصيدتي اخوي صالح

[خلف الغريب]

المشاركة الأصلية كتبت بواسطة عبدالله مقبل

السلام عليكم

الله يسعد مساكم اخواني اعضاء شبكة ويلان

يسرني التواصل معكم والمعذره ان بدر تقصير في ذلك

هذه قصيدة من قصائدي سبق لي نشرها بمنتديات خالد الفيصل

حبيت اشارككم فيها والقصيدة . . . .

دكة خيول العنا بالصدر تزعجني=خايف على القلب منها كل ماراجت
ثارت لها عجه وصوت يئججني=وغبارها ضك صدري يومها ساجت
الصبر خيالها وعنانها سجني=وضلوع صدري حواجزها ليا هاجت
ياضيق وقتي فلا والله تحرجني=سبحان من يعدل الضيقات لاانعاجت
اجيك يا ارض القــفر والضيق يدرجني=وادوج بارض عليها الناس ماداجت
لو هي خلا مابها انسان يهرجني=ابرك من ارض دروب وصولها انعاجت
مصيرها تمطر بديم يبهجني=دام اليدين بدعاها للسما ناجت
من واقع ذنوبنا بايامنا نجني=وتضيق نفس البنادم لامن احتاجت
نغفل عسى الله يغفر ذنبنا المجني=ونطرد ورى احلامنا بالعمر لو ماجت
يالضيق كم لك تجي وتمر ساهجني=تعبت اصارع بك امواج علي ماجت

عبدالله مقبل

عبد الله المقبل ..

الله عليك كم انت رائع في هذا النص ..

نص غاية في الجمال ويستحق الاحتفاء والله ..

الصبر خيالها وعنانها سجني...وضلوع صدري حواجزها ليا هاجت

الله ما اجمل هذه الصورة المتحركة التي نقلتها لنا حية على الهواء ..

ابيات كسلسلة الدرر..

صح لسانك وسلم بنانك..

تحياتي وودي واعتذر عن تأخر مروري..

[عبدالله مقبل]

المشاركة الأصلية كتبت بواسطة خلف الغريب

عبد الله المقبل ..

الله عليك كم انت رائع في هذا النص ..

نص غاية في الجمال ويستحق الاحتفاء والله ..

الصبر خيالها وعنانها سجني...وضلوع صدري حواجزها ليا هاجت

الله ما اجمل هذه الصورة المتحركة التي نقلتها لنا حية على الهواء ..

ابيات كسلسلة الدرر..

صح لسانك وسلم بنانك..

تحياتي وودي واعتذر عن تأخر مروري..

شاعرنا الكبير تواجدك غالي على والله

انا اللي اعتذر منك ومن غيرك بتاخري وقلة دخولي للمنتدى والنت بشكل عام

على الايام القادمه القريبه بيكون لي تواجد فعال بينكم باذن الله وهذا يزيدني شرف اخوي


تحياتي لك ولكل من تواجد هنا