اكذب اذا قلت بدري بالسما غايب

[سلامة الجعفري]

اهديكم هذه الابيات المتواضعة

أكذب اذا قلت بدري بالسما غايب = مازلت اشوف السما عيني على بدري
أكلّــمه عن عناي وحلمي الذايب = وهموم عيت تنام الا على صدري
لقت لها بالحنايا مسكن ٍ طايب = يزعل بضحكي ويستانس على كدري
كنه يقول احتمل تجزيمة الهايب=اللي رميته بصحرا التيه ماتدري
حتى اقترفت الذنوب وجيتني تايب = ماتقل جيتك هذي وقتها بدري؟
الله مااقسى العتاب بنظرة الخايب = كان الأمل قال متوقعك ياغدري
لكن على ويش يامودي وياجايب = صح القدرصاب ... لكن مانزل قدري
مادامني فارق المخطي عن الصايب = نظرت فوقي وخليت الوطا حدري
اهدرت تاريخ ماني حاسبه ثايب = حتى لقيت اني اخذ درس من هدري
مافيه شي ٍ كذا يجري وهو سايب = عقل الذكي يبتصر ,, والا الغبي مدري
ياللي يسرك ليا ناب العرب نايب = من يدري انه يبي ياصلك من يدري؟
انا شباب وحظيت بمعرفة شايب = من كثر مافاح من نار الزمن قدري
المشكله كلها جذر السدر عايب= والمشكله كيف ابالقى سدر عن سدري

شعر سلامة الجعفري

[سالم صالح]

الشاعر الرائع



سلامة الجعفري


صح السانك فانت مبدع وتعرف كيف تروض الكلمة لكي تنحني لك طوعاً


قصيدة رائعة بروعة حضورك ولاغرابة ان ياتي هذا الجمال من سلامة الجعفري فهو بحر من الابداع والجمال فالله درك وماشاء الله على هذا الابداع



تقبل تقديري وودي

[صالح السالم]

مافيه شي ٍ كذا يجري وهـو سايـب=عقل الذكي يبتصر ,, والا الغبي مدري
صح السانك
قصيده اكثر من رائعه

سجل اعجابي بها وبقلمك الراقي

تقبل مروري

[سعد النفج]

الله الله الله

مبدع يا سلامه يا ابو بشاير ..

وجدت الشعر هنا ..

استمتعت مع هذا النص الذي لا يكتبه الا من هم امثال سلامه الجعفري..

رآآآآآقي و مبدع ..

و شاعر متمكن ..

دمت بخير يا ابو بشاير ..

[أبو غرام]

[color="black"]أكلّمه عـن عنـاي وحلمـي الذايـب
وهموم عيت تنام الا علـى صـدري
لقت لهـا بالحنايـا مسكـن ٍ طايـب
يزعل بضحكي ويستانس على كـدري
.
.
.
انا شباب وحظيـت بمعرفـة شايـب
من كثر مافاح من نار الزمـن قـدري
المشكله كلهـا جـذر السـدر عايـب
والمشكله كيف ابالقى سدر عن سدري [/color]

صح لسانك وعلا شانك اخوي

مبدع مبدع مبدع حتى ترضى

دمت بود

[بنت الكحيلا]

صح السانك اخوي سلامة الجعفري

قصيدة رائعة ومعبرة الله يعطيك العافية

لك كل التقدير

[ماجد الغانم]

لله درك ...لله درك ...لله درك


رقي ...تميز ...جزاله

بإختصار لأن الأحساس

لسلامه الجعفري

صح لساااانك .... ولاهنت

حضور مشبع بالشعر

ما أروعك وأنت تبحر بنا الى الشعور الصادق ..والمفرده العذبه الجميله

دمت بكل خير ....وداام هذا الحضور المبهر

لك مني كل التقدير والأحترااااام