راحت تعالج - °~*¤®§(§ شبـــكة ويــلان العـربـيـه §)§®¤*~ˆ°

**أبو غرام** · 31/05/09, (08:54 AM)

راحت تعالج من مرضها ولا جـت
معقول ما ترجع وهـي أوعدتنـي

ماني مصدق لـو يقولـون ماتـت
وشلـون وهـي البارحـة كلمتنـي

قالت أكيد إنـك لصوتـي تشوقـت
قلـت آهـ كلـك يالغـلا شايقتنـي

اشتقت لك ولنضرتك حيل اشتقت
ولهمستـك ولبسمـة ساحرتـنـي

ولمعانقك يا بعـد عمـري تولهـت
وكلمة هلا حبيبي وربـي أوحشتنـي

قالت أحبك قلـت أنـا فيـك ميـت
واللي يحفضـك بالغـلا مالكتنـي

قالت وتنسى صورتي قلت لا كنـت
ينسـانـي الله كانـهـا فارقتـنـي

وهلت دمـوع الغاليـة ثـم قالـت
قالـت أحـس إن المنيـة لفتـنـي

قاطعتهـا استغفـري الله يـا بنـت
وعجزت أكمـل عبرتـي أخنقتنـي

قالت أبي منك الوعد لو أنـا غبـت
تحفظ مشاعر حب فيـك أجمعتنـي

قلت أحفظه وأحفظك ما دام أنا دمت
بس إرجعي فرقاك موت أرهقتنـي

قالت كذا يا نور عيني أنا ارتحـت
والوعـد باكـر بعدهـا ودعتـنـي

ياخوي قلـي صـدق هـي توفـت
وشلـون وهـي البارحـة كلمتنـي

م ن ق و ل

**حـــور** · 31/05/09, (10:55 AM)

صح لسانك ولسان الشاعر

اختيار اكثر من رائع ...لاهنت

**أبو غرام** · 31/05/09, (12:12 PM)

لا هنتي على جميل مرورك اخت حور

=

وبدوري اهدي هذه القصيدة للأخت

هبوب العنزي
وأسأل الله ان يجمعها بمن تحب

في جنات الخلد بإذن الله تعالى

**الصقار** · 31/05/09, (05:20 PM)

اختيار رائع ومميز من شاعر جميل بختيارته واخلاقه

فلك مني جزيل الشكر والتقدير

**سعود المسعودي** · 31/05/09, (05:57 PM)

صح لسانك ولسان الشاعر

اختيار اكثر من رائع يابو غرام

دمت بكل خير

**أبو غرام** · 01/06/09, (08:52 AM)

ابن هندي

صقر الصقور

لكم مني جزيل الشكر والعرفان لمروركم الكريم