اخترت لكم

[أبو غرام]

(ياكليب شب النار)


وهي احدى قصائد الشـــاعر :

الشاعر دغيم الضلماوي الشمري الذي اشتهر بالكرم
وشـب النار في الساعات المــــــتأخرة من اللــــــــيل
وذلك لتــــــــجذب الضـــــــــيوف كما ورد في قصيدته
المشـهورة وهذه قــــــــــــــــــــــــصيدة دغــــــــيم

ياكليب شب النار ياكليـب شبـه=عليك شبة والحطب لـك يجابـي
وعلي أنا ياكليـب هيلـه وحبـه=وعليك تقليـط الـدلال العذابـي
وادغث لها ياكليب من سمر جبـه=وشبة الي منه غفى كـل هابـي
باغـي ليـا شبيتهـا ثـم قبـة=تجلب لنـا ربعـا سـراة غيابـي
بنسريـةً ياكليـب صلفـا مهبـه=لاهب نسناسه تقـل سـم دابـي
سـراة بليـل وناطحيـن مهبـه=متكنفيـن وشوقهـم بالعـذابـي
الوالمـة ياكليـب عجـل بصبـه=والرزق عند اللي ينشى السحابي
صبة لقرمـا صرفتـه ماحسبـه=يوم البخيل مكنهب الوجة هابـي
وصبة لمنعورين ليـا جـاة نبـة=يرخص بعمره والدخل لها ضبابي
وعدة عن اللي مايداري المسبـه=اللـي يـدور بالقصيـر الغيابـي
عن الطيب عده نازلا لـه بغبـه=يضرب علي درب الخطا مايهابـي
لا باطن الهلباج خطـوا الجلبـة=يا حلو خبط عصيهـم بالركابـي
أطمر لهم وأبدي سـلام المحبـه=لا جو على هجناً يديهـم خرابـي
سلام أخلى مـن شخاليـل جبـه=وأحلى من السمن الجديد العرابـي
مع كبشً مصـلاح راسـه نجبـه=لا أدبـر الهيـن متيـن العلابـي
خطو الولد يـوم الملاقـي نكبـه=يأتي علينا من حسـاب الزهابـي
وحتى يش لو يلبس وبينن وجبه=معيـرة علـى غضيـر الشبابـي
أنا لقيـت الصبـر يازيـن غبـه=يرقيك رؤوس مشمرخات الهضابي
من لاصبر ياكليب في حكم ربـه=هذاك يوم البعـث مالـه ثوابـي
يقولها اللي مـا حسـب المسبـه=ولا عرقل الاجواد ببعض الهلابـي
هذا هـوى بالـي وهـذا مطبـه=من قبل مايسفى علينـا الترابـي

وسلامتكم