الــــذكــــــرى

[سالم صالح]

المشاركة الأصلية كتبت بواسطة الخاطر

السلام عليكم ورحمة الله وبركاته
أسعد الله اوقاتكم بكل الخير والموده.مشاركه أتطلع ان ترتقى لمستوى ذائقتكم الشعريه.

على هاك الزمان اللي ذكرته وانفتق صدري=وطار الشوق من جوفي على الذكرى يوديني
سريت بليلة ظلما وعين الخلق ماتدري=على ريح الوفا فزًيت وشوقي له يقديني
طويت من الحزن بيداء ولايطري غر المطري=تعديت الظلام اللي علته رجوم بيديني
وشفت الجرح ياجرحي وكن الدم له يجري=ولايبست جروح الوقت ولاجفًت شراييني
عليت من الهموم نجوم واهذري دون ماهذري=سؤال حار لي واحتار وعيني مكذبه عيني
الا وشلون بسنيني قويتك كيف انا مدري=الا وشلون كم شلتك هموم كم تعنيني
الا وشلون والعبره تخنق الروح ياصبري=تعديتك لقيت اني على هالحال ابكيني
صحيح اني بشر يااحمد اخذ مني الدهر قدري=وأنا لو شفتني ياخوك على ماقيل يكفيني
جروحن داخلي تزري على من حالته تٌزري=وانا اللي جفت دموعي على ماكان يشقيني
وعلى هاك المكان اللي ذكرته وانتهض شعري=كتبته مع حروفي دمع على الذكرى يواسيني
هنا كنت احضن عيونه واضمه دون مايدري=هنا كنت اعشقه وادري جنون العشق معميني
هنا كم شمتًه روحي مكانه طيب العطري=وأشمًه داخل عروقي كأنه عايش فيني
هنا كان الحجر مني يغير لجيتي بدري=هنا كان الرضى لاجله ومنه كان يغنيني
هنا لاما لقيت الا وفاه وشاله الخمري=حضنته وانتثر دمعي على ذكراه من عيني
بكيته لين ماطاحت ضلوعي جمر من جمري=بكيت وقلت ياشاله عسى الدنيا تخليني

الرائع والمبدع



الخاطر



لاتعليق فالابداع هو دربك والتميز هو منهجك فالله درك شعر وشعور مميز



كل التقدير لشخصك الكريم



اخوك / سالم صالح