يـالله معايا رددوا يالعالمي كلك نظر

[عبدالعزيز السعود]

يالله معايـه رددوا يالعالمـي كلـك نـظـر=هاذي جماهيـر الوفـى تحضـر اذا ناديتهـا
حنا نلبـي للنـداء لأنـك لنـا رمـز وفخـر=وفي دمنا عشقك سـرى وارواحنـا رديتهـا
من مثلك اللي لاحضـر ينقـال لاوالله حظـر=كل ٍ قدر هز الشباك الا انـت تخـرب بيتهـا
لعبك وفنك نعرفه والحين صار ادهـى وامـر=وقلوب حسادك تـرى مـن روعتـك بكيتهـا
انت الذهب واصل الذهب منك وغيرك ماقـدر=وانت الطرب واصل الطرب لعبك اذا شبيتهـا
العـب ومتعنـي انـا ويـا ملاييـن البشـر=اللـي تحبـك وعرفـت انـك بعـد حبيتهـا
انت الفهد وانت الاسد وانت الصقر وانت النمر=فريستك لو ماجتك انـت بشموخـك جيتهـا
من قابلك راح بخبـر كـان وحـي الله خبـر=واحلامهـم يالعالمـي للداهـيـه وديتـهـا
انت النصر لو كان غيرك ماخذ ٍ اسم النصـر=ماغيرك اللي يستحـق الاسـم لـو صفيتهـا
هاذي حياتـك كلهـا فـن وحكايـات وعبـر=غيرك تعب ماجابهـا وانـت الـذي سويتهـا
يالعالمـي حبـك كبـر بقلوبنـا والله كـبـر=ويزيد حبك كـل مـا زاد لشموسـك صيتهـا
كبير دايـم مايهمـك ولاعلـى مثلـك خطـر=والله يرحم من بنـا للشمـس عالـي بيتهـا
يالله معايـه رددوا يالعالمـي كلـك نـظـر=يالفارس اللي في سمانـا نجومنـا ضويتهـا
اذا لعب نادي النصر أبـختصر قولـي سطـر=ليـت النـوادي تعتـزل ياليتهـا ياليتـهـا

الشــآعر المبدع : الـسـويـلـمـي..

صح لـسانك يآعآلمي ..

وبلا شك يستحق العـــالمي ..والله يوفقه ويعود من جديد الى مكانه الطبيعي ..

[تركي صالح]

مبدع يالسويلمي

بصراحه قصيده في منتهى الروعه

أتقنت في صياغتها بأروع وأجمل الكلمات

لله درك على هذا الابداع

ومن تميز الى تميز

وتقبل خالص التحايا