هذه قصيدة الشاعر والباحث / صالح ابن عوده القصّير الحجوري الجهني
قالها في احد الحفلات على شرف بعض من القبايل
اعجبتني وحبيت انقلها لكم وان شاء الله تعجبكم
هلا يا مرحبا مني نيابة عن سنا الجهنان = راس القوم يابن غنيم ونفخر فيك بجهينه
هلا يا مرحبا مني وارددها مدى الازمان = نرش الورد والكادي على راسك رياحيينه
هلا يا مرحبا مني وانوب انا عن الشجعان = عيال الشايب المرحوم الا مرحومه سنينه
رجل ثبت فوانيس الوفاء والعرف والبرهان = على صفحة سنا التاريخ كل الناس قارينه
ال سعود ثبت له مطاليبه على السجان = وقال ابشر بها تذكر طوال الوقت وسنينه
نبا نمنع صدور الحكم غالي والطلب لك هان = صدر عفو المليك بساع في لحظة ومن حينه
امانه في رقبة اللي حضر يطلب له الغفران = عساه بجنة الفردوس في عالي ميادينه
رحمك الله يا شيخا رياجيل الشرف والشان = تشهد لك على القمه صنع عرشه بيدينه
دعيتم يا الغنيم شيوخ وكبار وبعد واعيان = هدف سامي على وضح النقا والعرف ناوينه
هلا واعداد ما ناحت لنا الورقا على الاغصان = هلا واضعاف ما عد الخريجي في ملايينه
هلا باللي بهم زان المثل تطرب به الاذان = تبا تعرف صحيح العلم ركز واسمع ايقينه
وعند جهينه الخبر اليقين اروع مثل للآن = يردد عنك يا بن كعب الاخنس ذابح حصينه
وفيها قال كم ضيغم هموس ورد ابد ما هان = شجاع ما يهاب الموت ابى شبلين بعرينه
علوت بياض هامته بسيف في يدي شامان = واضحى في الفلاة له حراك في دمامينه
هلا في لابتي ربعي هلا في معشر الجهنان = هلا باحفاد من قاد الجهاد بيوم حطينه
لو اعدد صحابه من جهينه تتعب القيفان = الا واستغفر الله كان قلت ايات ومبينه
سبرنا للرسول قريش ببذيل وبنو غيان = عدي بذيل مع بسبس ومن ذبيان محصينه
هلا باشرس كتيبه في نهار الفتح والايمان = ومن يقراء فتح مكه يجدنا في عناوينه
غداة الفتح والف من جهينه كلهم فرسان = ويوم حنين حققنا هدف منشود باغينه
رفعنا راية التوحيد وارهقناك يا الطغيان = هلابك يا علم عز القبيلة في ميادينه
رسول الله كرمنا حديثه واضح البرهان = وقال اخير يوم الدين قوما عندي جهينه
روى هذا الحديث ابو هريرة في صحيحاً زان = وخرجه السيوطي في كتابه قال حامينه
حمو عترة رسول الله وارجع للمصادر كان = تبا تقراء قصيده لابن عقبه في دوايينه
هلا وابقى لنا التاريخ يا جهينه جبل ما لان = شمخ غرب الحرم بعيونك الثنتين تفدينه
هنا من حقي امجد سلايل مابها نقصان = عروش من ذهب تبنى جهينه هي سلاطينه
هلا باروع تفاصيل النسب والعرق والسيسان = هلا باهل الكرم والجود والفعل ومضامينه
هلا في مالك وموسى ومابه فرق بالاعيان = موسى عيني اليمنى ومالك ذيك هي عينه
هلا في عزوة ابن غنيم وربعه جدها مروان = هلا فايد هلا بسمير ومحيا وخيينه
وكاد اليوم كل القوم تعرف عقيب مع حسان = هلابك يا العطيه والحوافظ دوم لي زينه
هلابك يا حبيش ويا هلابك يا عنمه وسنان = هلابك يا كلبات ويا هلابك يا علاوينه
هلا في لابة اللي صاغ ببحور القصيد الحان = هلابك يا حجور البر والبحرين والمينه
هلا بعلاط مع نزى هلابك يا حمده للان = نهلي فيك ونرحب وموسى ذي موازينه
واببدي عزوة القاضي وقوفة مالك الفرسان = هلا بقضاتها وكشوشها دايم مزكيينه
هلابك يا بني مره هلابك يا العرف عمدان = هلا يا الحشكلي وياى الدبيسي في قوانينه
هلا ربيات وعنينات وحصينات مع هدبان = هلا يا المشعلي والميلبي مبطي مخاويينه
وهذي عزوة القاضي ولا ننساك يا الرجبان = واكيد أن الشظيفي والكتيني دائم يعينه
هلا في عزوتك يا القطر من مالك لكم شفقان = دروع الحمض يا عروة عداءكم سم ساقينه
هلابك يا بني كلب وبني عامر مع البذلان = هلابك يا رفاعه يا هلا بالزايدي وينه
هلا في عزوة الاشراف والقبسان والنغران = تسمو في بني ابراهيم وحق الحلف مدينه
هلابك يا الجريسي والمشدق وافي الميزان = هلابك يا الشطيري يا هلا بحريب موفينه
هلابك يا صيادلة الشرف والحب والتحنان = هلابك يا صراصرة السعد ماحن بناسينه
هلا في ذروة قضاعة سنام المجد والتبيان = عزاوي ترهب العادي وتنحر في شرايينه
والا من حقي ارحب بمن وافى من العربان = نقدم سلمنا فنجال بن وهيل مهدينه
هلا يا مرحبا باللي لفوا من ساير الاوطان = تبوك الورد مع ينبع وايضا حائل الزينه
هلابك يا بلي والدار غرد في سماه الحان = هلا في ربعنا قضاعة يدينا دوم في يدينه
هلا بخزام مع مخلد نار تحرق العدوان = تاريخا من ذهب يكتب وكل الناس قارينه
هلا في عزوة رفاده على درب الوفاء صدقان = مكاسيب الوفاء مبطي بلي والله شارينه
هلا بالمنقرة والخيل تشهد له على الميدان = عطيبا في مضاريبه على راس العدو شينه
هلابك يا الحويطي وانت سيفك في يدك ما لان = هلا في عزوة التايه وابن جازي مولاينه
هلا في عزوتك يابن طقيقه يا كريم الشان = هلابك يا جوازيتن تواصل مع علاوينه
هلا من عقبها في راس قوما كلها فرسان = ((هلابك يا عنزه في دار من دونه وحامينه))
((هلابك يا ضنا مسلم وبشر التغلبي قد بان = منابهتن من المسلم وفاءها دوم شارينه))
((هلا يالوائلي يشهد لك التاريخ يا كحيلان = حكوماتن توزع في يسار الكون ويمينه))
ولا انسى من ربينا في دياره بالوفاء جيران = هلا والشمري مبطي على الزينات ناصينه
هلا في شمر الاسلم كبار صحون للضيفان = رواقٍ للعرب عهدا على انفسهم ومعطينه
هلا يا أهل اللحيسه واللحيسه اشبعت ضيفان = هلا بذباحة الحائل عليه التمر وسمينه
فوارس من وهب ومنيع وبعيسى جميع اخوان = والا من غيرهم خمسة زحولٍ للعداء شينه
الا يا ضاري البرغش يا اخو صلفه نهارٍ دان = ليا ثار الرمك شلفاه تطلب راحت يمينه
وابن وتيد والنبهان وابن قعيط وثنيان = طنايا ما كلت للزاد وسيف الحق مروينه
ولا ننساك يا عبده سناعيس الوفاء صدقان = والا شلون دار الحكم يا حائل تخبرينه
جعافرةٍ ترى منها الرشيد وساسها قحطان = هلابك يا سماء التاريخ ما حنا بمغدينه
هلابك يا سناعيس الشريم مدوخين الجان = وابن نهّير وهباس وابا الميخ قارينه
هلابك يا تميم العز والتاريخ والشيخان = وقد قال الاثر في وجه دجال البشر شينه
هلا بمطير وعتيبه هلا بسبيع مع زهران = هلابك يا عطوات العز والعدوان غازينه
هلا في حرب وايضا يام عرب والساس من كهلان = هلا بضيوفنا قحطان ولا ننساك يا مزينه
هلا بختامها للي حضر واسف على النسيان = على من لا ذكرت اسمه وحنا من محبينه
وسلامتكم
م ن ق و ل
16/05/09, (05:03 PM)
قصيدة الشاعر والباحث / صالح ابن عوده القصّير الحجوري الجهني
العرض العادي
