ليتني ماكنت مجنونك

[سعود محمد الايـــداء]

صباح الشعر

نص عتيق


لقلوبكم الطاهره


أتمنى أن يحظى بالقبول

ياناكر الملح والعشره علـى هونـك=لاتحسب الجرح ضيق خاطري ساعه
صرت ابتسم لاجل ماتهزمني عيونك=لو كل لحظه تمـر الـروح نزاعـه
ياظالمـه ليتنـي ماكنـت مجنونـك=عشق عصاه الزمان وخاطري طاعه
وياليتني شخص ماله قلب ويصونـك=لااجرحك مع كل صرخة قلب ملتاعه
وليت البشر كلهم مثلـي يعرفونـك=كان اعرفوا ليش نفسي منك مرتاعه
عاشق نفـاه الزمـان ولاذ بركونـك=ومن الندم عظ بشفاته على اصباعـه
هاك السهر يوم نام الليـل بجفونـك=وانا اتهجى السنين بعقـرب الساعـه
تقرحت شفتااي...استبشـر مزونـك=تبل قلـب همومـه تلـوي ذراعـه
ياوقت كم قلـت هملهـم يعرفونـك=ياشـاري عزتـه والنـاس بيـاعـه
شفني ثلاثين مـره قلـت اباخونـك=لكن عزوم الرجال أحيـان خداعـه
ياما الياضاق صدرك قلـت ياعونـك=واجيك لو دونـك العربـان فزاعـه=
لكن فضحك الزمان وبـان مكنونـك=وقلب خذلته نسـاك وبـدل اطباعـه
وخذها وعد مثل مابالغـت بطعونـك=لاابيعك بلاثمـن دام الهـوى طاعـه
أرحل وخل الطعون لصدر مظنونك=وانا على عزة اللي ساتـر اوجاعـه
مريت مثل النعاس ان مـر بعيونـك=واقفيت مثل الشقا بعيـون مرتاعـه
واذا على الحب انا ماعدت مفتونـك=حبك خلاص انتهى من بعد هالساعه
والا العمر راح اعيشه فيك وبدونـك=ماني بمجبور اجامل نـاس خداعـه

[متعب السبهان]

اخوي سعود




سرني وجودي في المقعد الاول



هناك نصوص احيانا تراها للوهلة الاولى مباشرة




ولكن ماان تعود اليها حتى ترى الجزالة تفوح من جنباتها


وهذا النص بالطبع احد هذه المصوص


شفـنـي ثلاثـيـن مــره قـلـت اباخـونـك
لكـن عـزوم الرجـال أحـيـان خـداعـه
يامـا الياضـاق صـدرك قلـت ياعونـك
واجيـك لـو دونـك العربـان فـزاعـه=




في هذين البيتين كان الشعر حاضرا وبكثافة





احترامي

[سعد النفج]

الرائع / سعود محمد الايداء

صح لسانك

مبدع و نص يعانق الابداع و يروي ذائقتنا ..

تقديري لك

[تركي صالح]

شفـنـي ثلاثـيـن مــره قـلـت اباخـونـك
--------------لكـن عـزوم الرجـال أحـيـان خـداعـه
يامـا الياضـاق صـدرك قلـت ياعونـك
--------------واجيـك لـو دونـك العربـان فـزاعـه


القدير / سعود محمد الايداء

هنا نقراء الجزاله والابداع

هنا نغرق في بحر التميز

لله درك على هذه الفاتنه

اللتي ابهرتنا بجمالها وروعتها

اخي القدير

من ابداع الى ابداع

دمت بخير

وتقبل خالص التحايا

[مصلح النشمي]

شفـنـي ثلاثـيـن مــره قـلـت اباخـونـك
لكـن عـزوم الرجـال أحـيـان خـداعـه


لله درك اخوي سعد


صح لسانك مليار يالغالي

لافض فوك على هذا الابداع

دمت متألقا

تحياتي لك

[الخاطر]

المشاركة الأصلية كتبت بواسطة سعود محمد الايـــداء

صباح الشعر

نص عتيق


لقلوبكم الطاهره


أتمنى أن يحظى بالقبول

ياناكر الملح والعشره علـى هونـك=لاتحسب الجرح ضيق خاطري ساعه
صرت ابتسم لاجل ماتهزمني عيونك=لو كل لحظه تمـر الـروح نزاعـه
ياظالمـه ليتنـي ماكنـت مجنونـك=عشق عصاه الزمان وخاطري طاعه
وياليتني شخص ماله قلب ويصونـك=لااجرحك مع كل صرخة قلب ملتاعه
وليت البشر كلهم مثلـي يعرفونـك=كان اعرفوا ليش نفسي منك مرتاعه
عاشق نفـاه الزمـان ولاذ بركونـك=ومن الندم عظ بشفاته على اصباعـه
هاك السهر يوم نام الليـل بجفونـك=وانا اتهجى السنين بعقـرب الساعـه
تقرحت شفتااي...استبشـر مزونـك=تبل قلـب همومـه تلـوي ذراعـه
ياوقت كم قلـت هملهـم يعرفونـك=ياشـاري عزتـه والنـاس بيـاعـه
شفني ثلاثين مـره قلـت اباخونـك=لكن عزوم الرجال أحيـان خداعـه
ياما الياضاق صدرك قلـت ياعونـك=واجيك لو دونـك العربـان فزاعـه=
لكن فضحك الزمان وبـان مكنونـك=وقلب خذلته نسـاك وبـدل اطباعـه
وخذها وعد مثل مابالغـت بطعونـك=لاابيعك بلاثمـن دام الهـوى طاعـه
أرحل وخل الطعون لصدر مظنونك=وانا على عزة اللي ساتـر اوجاعـه
مريت مثل النعاس ان مـر بعيونـك=واقفيت مثل الشقا بعيـون مرتاعـه
واذا على الحب انا ماعدت مفتونـك=حبك خلاص انتهى من بعد هالساعه
والا العمر راح اعيشه فيك وبدونـك=ماني بمجبور اجامل نـاس خداعـه

الاخ الفاضل.
سعود الايداء.
صح لسانك ملايين.
نص شعري جميل وجميل جدا.دمت مبدعا اخي الفاضل.
الله يعطيك العافيه وتقبل تحياتي ومروري المتواضع.
اخوك محمد العنزي.

[أبو غرام]

صح لسانك يالغالي

ودمت بود