بديت باسمه غافر ٍ كـل مذنـوب
بأسمه نسمي كل صبـح ومغيبـي
اقفت بي ادروب ٍ وردتني ادروب
وادروب ودتني ولاهـي بتجيبـي
مكتوب لي درب القهر آآآآه مكتوب
ومكتوب لي حـب ٍ ابليـا حبيبـي
وقعت في حب ٍ واثاريـه ملعـوب
انا اشهد ان القلب طـاح ابقليبـي
لاقلت احبك قال ماحبـك ابنـوب
واقفا مروح لا حشا مـادري بـي
ولامن نشدته وين قالت لي اقروب
حسبي يقول افلان اقـرب قريبـي
اثره يعاني بكلمته جمعت اشعـوب
وانا غشيم ٍ طيبتـي هـي معيبـي
قالت بدو كلامكـم مابـه اسلـوب
حتى الحضاره تجهلك كالغريبـي
قلت اسمعيني قبل لاتصبح احروب
ولا انكوي بنـارك ولا تنكويبـي
حنا بدو مانكشف اللي ورا الثـوب
نصبر على جمر الزمن واللهيبـي
لامن حكينا حكينـا كلـه اعـذوب
وافعالنـا يابنـت فعلـن عجيبـي
ونعم فيك مليون
وعلى عذوبة مفردات القصيدة الجميله
والله لايهينك يا سلطان
وتقبل فائق التقدير والاحترام
20/09/05, (10:45 AM)
العرض الشجري