ليه الأمل في نظرتك عانق اليـاس = وليه الزمن دايـم بعينـك رمـادي
وليه أحتمل جرحك على غير مقياس = وأقول جاهل مـا درى عـن ودادي
كنك معي عايش كذا مالك احسـاس = ما فادني صبري معـك واجتهـادي
وأنا الذي لجل الغلا قلـت لا بـاس = لا باس لـو زاد الغـلا والتمـادي
يا فاتني كان المـوده بـلا سـاس = قلي تراني بيـن الأوهـام غـادي
إما تجي كلك معي مثـل الأنفـاس = وأقول صادق والوفـا لـك مبـادي
ويصير مقدارك على العين والراس = مرفوع قدرك عن جميـع العبـادي
وتحط لك في داخل القلب مجـلاس = وأنهي صدى جرحي معك لا ينـادي
والا تبي مثلك مثـل باقـي النـاس = إن جيت عادي وإن تسهلت عـادي
حمد الخمعلي
نقل رائع
صح لسانك ولسان الشاعر
الله يعطيك الف عافيه
تقبل تحياتي
02/03/09, (08:06 AM)
رد: لماذا يغيب مثل هذا الشاعر0000؟
العرض الشجري