شــلـــفــا جــديــع وســيــف عــقــــاب

[ابو هيف الاكلبي]

صح كانت تجربه لكن ؟؟؟؟؟ مريره


الأخ الكريم الجزززززززززززل

خلف الغريب

لو كتبت وأسهبت فى التعبير والله ما اعطيك حقك

اختصرها في جمله مفيده

صح الله لسانك وعلا شانك

وعلى ما ذكرت فى القصيده انت فارس القصيد

يا ليت تقبل مني هاذا اللقب

للمره الألف صح لسانك يالجزل والله يحفظك من كل سوووء

اخوك بطي الآكلبي

[مسعد النافل]

الشاعر القدير خلف الغريب
صح لسانك وسلم بنانك ابدعت بما تعني معان الابداع من اول بيت الى اخر بيت
وتضمينك لشيوخ عنزه جاء حسب ماعرف عنهم والحقيقه كان بمنتهى الدهشه والجمال وان دل يدل على
طيب معدنك وانقاء ذاتك
مالك قلبـي وحاكـم فـي جنانـي
حكم ( أبو تركي ) على شبه الجزيره
وكن عينك لا ارسلت سهم ورمانـي
مثل شلفا ( جديع ) في وسط الكسيره
وكن صـدك يـوم سليتـه وجانـي
مثل سيف ( عقاب ) ينزع من جفيره
وكن رمشك يـوم سلهـم وابتلانـي
رفة ( ابن مهيد ) عن حر الظهيـره
وكن هجرك للحبايـب لـو تعانـي
ردة ( الشعلان ) لصفـوف المغيـره
مصدر همومي ومنظومـة جنانـي
مثل ( برجس ) منقع الموت وغديره
والوفا مطلوب في نطـق اللسانـي
مثل ( ساجر ) راع الافعال الشهيـرة
والدخيـل النـاس تعطيـه الامانـي
واذكر ( ابن سمير ) زبن المستجيّره
تحياتي
اخوك مسعد النافل

[بدرفهد الجعفري]

الشاعر خلف الغريب

تقبل اعجابي بما تكتب

قصيده جزله

[تركي علي الخالدي]

ليست الجزاله غريبه على اهلها

صح لسانك ياخلف الغريب

معجب جدا بشاعريتك الفذه

[طلال الايداء]

لله دررركـ اخووي خلف على النص الرااقي


وقلمي يضغر اماام شموخ نصكـ

وشااعر من عماادة شعراااء ويلاان


وفي انتظاااااار جديدكـ باااااذن الله

اخوكـ طــــــــــــــــلال الايـــــــــــــــــــــــــداااء

[الجوكر]

اشهد انك سيف للشعر...واشهد ان الشعر له الحق بأن
يفتخر بــ خلف الغريب

مهما اشدنا ومدحنا فلن نوفي احرف خلف الجزء

البسيط من حقها..

سجلني دوماً المعجب بما يكتب شاعري القدير

[سعود محمد الايـــداء]

المشاركة الأصلية كتبت بواسطة خلف الغريب

قبل الشعر .. كل عام وانتم بخير وتقبلوها بصدوركم الرحبة

ليت في درب الهوى قلبي عصاني=تجربة مرت عسى بالامر خيـره
وش بلاني بالمحبـة وش بلانـي =ليش نام الناس وعيوني سهيـره
ليش نار الحب شبـت بالمحانـي=من شرارة ولعت قلبـي سعيـره
حط مشهابه على القلب وكوانـي=وانثنى عني وانا يديني قصيـره
مارحمني . ماتركني . ماعطانـي=استميحه . واستجيره . واستثيره
صب حبه داخل عـروقً تعانـي=من هموم الوقت شداتً عسيـره
هزنـي هـز الـزلازل للمبانـي=ولفني لف البحـور المستديـره

مالـك قلبـي وحاكـم فـي جنانـي=حكم ( أبو تركي ) على شبه الجزيره
وكن عينك لا ارسلت سهم ورمانـي=مثل شلفا ( جديع ) في وسط الكسيره
وكن صـدك يـوم سليتـه وجانـي=مثل سيف ( عقاب ) ينزع من جفيره
وكن رمشك يـوم سلهـم وابتلانـي=رفة ( ابن مهيد ) عن حر الظهيـره
وكن هجـرك للحبايـب لـو تعانـي=ردة ( الشعلان ) لصفـوف المغيـره
مصدر همومـي ومنظومـة جنانـي=مثل ( برجس ) منقع الموت وغديره
والوفا مطلوب فـي نطـق اللسانـي=مثل ( ساجر ) راع الافعال الشهيـرة
والدخيـل النـاس تعطيـه الامانـي=واذكر ( ابن سمير ) زبن المستجيّره

ومنك أنا داخل عليك ..الموت جاني=مايصير انخاك وانت بدون غيره
فكني هالحيـن ماجانـي كفانـي=الهوى اولها .. وتاليها جريـره
شلت من حمل المحبة حمل ثانـي=وعادتي حمل المثاقيـل الكبيـره
ما تلفت ارتجـي منـه الحنانـي=شلت حملي واحتملته دون حيـره
في بحر حبك غدت كل الموانـي=بين موجه ضعت وازعجني هديره
ياعقود اللول .. ياحب الجمانـي=ياعذاب القلب .. ياراحة ضميره
ياسعادة خافقي لو كنـت جانـي=ياسفيره .. ياوزيره .. ياأميـره
ياقريب أبعيد .. ياقاصي ودانـي=حرت فيك من اليسيره للعسيـره
رد لي قلبي وانا ماعـود ثانـي=أوعدك وعد انهـا مـره أخيـره
ليت قلبي قبل ماحبـك عصانـي=صح كانت تجربه .. لكن مريـره

أبو خالد


بيض الله وجهك

وصح لسانك على هذا النص اجزل المدهش


أستخدامك لمثل هذه الأسماء العريقه

ستسجـل بلاشك في ذاكرة الإبـداع

أستاذ خلف


هذا النص جزل جزل جزل

ولا يجيده الا شـاعر بحجم

خـلف

مررت من هنا على عجاله

فمني العذر وعليك الصفح


كن كمـا أود


فكـن بخير ياخلف