ياعيال

[فهد الغبين]

يا عيال ...ماهي سالفة قول ..يا عيال=السالفه ياعيال ..مال ومسا/فات
ياعيال ..ماهي سالفة شعر ..وامثال=السالفه ..يا عيال ..هل حلمكم مات
لو ما الحمول الكايده تزهم جمال=ماصاح صياح الفجر ..للسموات
ياعيال ..ياعيال الصدر داخله لال=والسبه الجمره ..غياب المسرات
ياعيال صوت الحزن في صوت موال=غنى بصوت الحق لعيون الاموات
المال ...يالويلان ..يضرب ابو المال=خلا الثرى ..يجي بمكان ..الثريات
المال ..يالويلان ..لو مال ..ما مال=مثل الوقود ..اللي يمر ..القريات
جينا معانا ..رحال ..والحين لا رحال=راحت علينا ..يازمان البشوات
دجال ..في حكيه على وصف ..دجال=قال البدايه ..فيه تنبي ازدهارات
قالت اسمعوني زين ..ياربع الامال=من لايمد إيديه ..بلا عشاء بات
اجيال راحت ..واورثت حزنها ..اجيال=واحلامهم بالفجر ..راحت مع الذات
ولا زلت اقول الحال ..لازال لازال=وشيوخنا ..مانسمع لحسها ..اصوات
ياشيوخ ياشيوخ (...) ..يكفي جدال=ملينا اكل الهرج والحلم ذا فات
كم عزز أذناب ٍ وكم هدهد رجال=المال ..ملعون الجدف ..دف الابيات
كم حال ..تشكي عندنا حالها حال=وكم وايلي ٍ طاح بالعوز ..بسكات
وكم ..من يتيم ٍ عيد العيد ..بسمال=وتجارنا ..تلبس جديد ..الطرازات
ياربعي الويلان ..قال المثل قال=(الا عنزه ياقوم ) مابه مراوات
ياربعي الويلان ..صدر الضمى طال=والناس تارد ..والموارد غزيرات
ياربعي الويلان ..ما للصبر ..جال=كلت أذان الصبر ..تسمع عبارات
من منطلق ربع وقرابه ..وسل سال=واسمع جواب المستمع بالاجابات
من قال إن الخال ..يقبل بنا خال=وحنا الرجال أهل السيوف الشطيرات
ومن قال إن اللال ..بضهورنا ..لال=قله ترانا ..نستلذ ..الشمي سات
ومن قال ..إن المال ..يجي بلا أموال=قله فهد يقول لك ..ايه ..هيهات
من منطلق ..صدر الضنك ..داخله سال=صهير جمر ٍ فيه ..كانت مساء/أت
تقول قال المال ..ما للندى ..مال=في مجتمع يهوى زمان الخرافات

[محمد الدلماني]

الشاعر فهد الغبين

صح لسانك على هالنص الشعري المتميز

ابيات ومعاني في قمة الجزاله تستحق الأشاده والتصفيق

[طلال الايداء]

فهد صح الله لساانكــ

ملايين

ونص ينم عن جزاااله يصغر قلمي امامهااااا



وفي انتظاار جديدكـ باااذن الله

تقبل تحياات اخووكـ طلال الايداء

[ماجد الغانم]

فهد الغبين

صح لساااااااااااااانك .........ولاهنت

قصيده بمنتهى اجزالة

دمت بكل خير .....ودام هذا التميز

تقبل تحياااااتي

[الصقار]

قصيده تستحق الوقوف لها ....تجلت حروفها عن موضوع هام ,,,,,,,,,,,فهد الغبين صح لسانك ...كفيت ووفيت الله يعطيك العافيه

وتكفى امسح الرابط .وغير التوقيع.....ترى تكفى تهز الرجاجيل..........

تقبل مروري وطلبي ولك جزيل الشكر

[م. ماهر الصقري]

صح لسانك ترليون

يعجبني هذا اللون من القصائد

واعجبني تكرارك الذي زاد جمال ابياتك

ودي وتقديري لك

[ابن ريحان]

الله يعطيك العافيه

صح لسانك ولاهنت اخوي

قصيده جزله وجميله ومن شاعر اجمل

دمت بكل خير

تقبل تحيااتي


اخوك ابن ريحان