يقول الراوي اللي صاغ في وايل تماثيله=وقال اللي رواه شهود واجيال(ن) تلاه اجيال
نقيت الجزل من زين المثايل عن مساميله=تشوف حروفها يوضي نداه بشاشة الجوّال
ابي اذكر لابة(ن) شالت حمولن كايد(ن) شيله=حمول(ن) ترتكي له في بني وايل صعول رجال
وقليل من العرب ترسي اليا طالت مراحيله=تبي له واحد(ن) يجمع صخى عمه وطيب الخال
وثقل الشيل وقت الضيق ترسي له رجاجيله=جموع(ن) لامشت ترهب بضف الشيخ ابن هذال
شيوخ(ن) بالندى تنثر عطوره في مناديله=وعقدات الزمن تلقى بوسط رباعهم حلاّل
سلاطين العرب تلفح بيارقها على خيله=خذت حكم العرب بالطيب والا السيف والسلاّل
بوقت الطيب لاهل النيب ماتبرد معاميله=ورب الغيب مابه ريب طيبه بارق(ن) هطّال
سباع الحرب وقت الكرب واهل الضرب ترسي له=تبوج الدرب شرق وغرب طال الدرب او ماطال
بني قاسط هل الواسط اليا سالت هماليله=سليل اهنب عطاه الرب رجالن بالحروب جبال
عيال افصى هل الاقصى بيومن بان تهليله=غضب دعمي غدى يعمي عيون العايل البطال
وأسد غابه جسد لابه زبون اللي وقع حيله=ونزار الدار عز الجار نار الماكر المحتال
بني وايل لها الطايل اليا ثارت حلاحيله=لها السلطان بالبلدان واهل العدل للي مال
نبوع الجود لابن سعود واهل الدين تدعي له=نصير الشرع غيث الجرع عدل الدرب والمنوال
وصباح البذل رغم العذل مثل المزن مع سيله=وهل البحرين فاله زين صاروا للضعيف ظلال
بها ابن مهيد شوفه عيد للي جايعن ليله=دعى بالصوت يوم الموت للملفى وطيب الفال
بها ابن سمير جاب الخير للي خايفن غيله=حمى اللي جاه لا يطاه جيشن بالمدافع عال
وابن عيده رمى قيده شرى اللي صاح من ويله=وشرى الناخي وهو صاخي ولاهمه ضياع المال
عيال العود وقت الكود درب الجود تمشي له=سويلم طاب بالترحاب جمره دايم(ن) شعّال
وقف عمران كالظلعان واوفى الوزن مع كيله=صبر للغبن عقب الابن ميقاف(ن) يهد الجال
مع النجدي خذى المجدي وشال احلى مواويله=وحط اذكار طيب الكار لاهل السيف والفنجال
وغدى ساجر دواء الفاجر حبال المجد تومي له=وابن مجلاد شد شداد للي ذاق ضعف الحال
وابن قبلان نجم(ن) بان شال الوقت مع ميله=مع الطيار ذكره سار طيبه يشبه الشلال
وبهم سعدون عاف الهون وابعد عن مداهيله=وذيب الغاب مثل عقاب جاب الخيل والخيال
وفقير الاسم راع الحسم لاجاضت مخاليله=ورقى فرحان بالويلان رجم(ن) كان ماينطال
ومثل ممدوح زين الروح شيخ(ن) نافل(ن) جيله=وابن شامان كالبستان عنده يستريح البال
حروفي كاش ضرب كلاش وسط الجاش تحليله=لميع فلاش دون اقفاش للي بيتهم مدهال
حروفي رجد لاهل المجد عسكر نجد مع هيله=هم الويلان والغسلان صاغ لطيبهم تمثال
للراوي : فواز الغسلان البقعاوي
26/06/08, (04:42 AM)
في حفل الشيخ حمود ابن هـذال .. للراوي فواز الغسلان !
العرض العادي
