مُـجـرد هـذيـان باتجاه الذات ..!!!

[دحام العنزي]

الله على اللي فتني بنظرة عيونه
يوم التفت لي وصوبني بنظراته
نواعسه نجل والحجان مقرونه
من الليل رمشه سرق اونه ولمساته
العود لين وشعره يكسي متونه
الخيزران انثنى بخصــــره وميلاتته
صوت المطر في سواليفه وبشجونه
عذوبة الصوت في مزحـــــه وكلماته
عليه ضحكة وبحة صوتهمجنونه
ياويل قلبي على ضحــــكه وهمسـاته
من جد ياأهل الهوى من جد مزيونه
والله مـــــاشفـــــت بعيونـــــي مثيلاته
يصد مني خجل خايف يشوفونـــه
من الدلع لا مشى يقصــر بخطـــواته
قبل يتعدى سمعت أهله ينادونه
رديت فيه النظـــر دنق بنظــــــــراته
توه صغير خجول تدمي طعونه
ياصبر قلـــــب تحمل كل طعناتـــــــه
تل المعاليق وعروقي على هونه
واقفي وقلبـــــي عليـــــه يجـــــر وناته
من كاس حبه شربت العشق وفنونه
قلبـــــــي تنفس هواه بكل نبضـــــــــاته
الحب مـايرحم العشاق قانونه
الحــــــــــب لو تستره تفضحك لوعته
ياثقل دم السهر والبعد من دونه
والليل من بعـدها ياطول ســــاعاته