شـــــــطـــــــــحــــــــــات نــــــشــميــة "شعرية"..!! - °~*¤®§(§ شبـــكة ويــلان العـربـيـه §)§®¤*~ˆ°

**مصلح النشمي** · 04/06/08, (03:18 PM)

.

(1)
.
.

الله يكثر لي مع الوقت خيرك = اللي وصلني منك جدا كفاني
ياليتها جتني من انسان غيرك = واللي خلق ماكان هزت كياني
ليت "الشعور" اللي ذبحني يثيرك = وتحط نفسك لو ثواني مكاني

/

\

غمضت عن "سيفك" وجاني "جفيرك" = والمشكله "سيفك" هو اللي بكاني..!!
لنّه قبل يطعن..همس لك : "عشيرك" = معقول سيفك ياخوي ما نساني..!!
ليت الضمير اللي "بسيفك" ..ضميرك = ما والله اشكي منك "طعنة" زماني.!!

/

\

(2)
.
.
في زمان العولمة..
في زمان الاحتراف..
زاد معنى (الانحراف)..!!
.
.
في زمان العولمة..
كل ّشي اصبح غريب..!!
يعني ماتفرق
(حبيبه من حبيب)..!!!
.
.
في زمان الانقياء..
ما بقى الا (الأغبياء)..!!

/

\

(3)
.
.

المعذره والسموحه كاني ازعجتك=وان كان حقي عليك اكبر من ازعاجك
بس اوعدك ياخويي كاني احتجتك=مااحرجك في حاجتي واقول محتاجك.!!

/

\

(4)

كان تسأل (كيف حالي)../..راح اجاوب ماعليه=قصدي يمكن ماعليه../..ولكن العلم الوكاد..
لو كشفت جدار (جفني)../..السهر كاتب عليه= عظم الله اجر (عينك)../..كان تحلم بالرقاد..
تدري (المحروم) من هو.؟../..من فقد شيٍ بيْديه=والبلا لاصار هالشي../..تملكه كل العباد
ليت طعم النوم يشرى../..والله اني لاشتريه=واترك جفوني تعانق../..ليـ..متى هذا البعاد..

لكم حبي وتقديري

**نايف الشبيعان** · 04/06/08, (09:04 PM)

إذا كانت شطحاتك هكذا فكيف يكون إبداعك

مصلح النشمي يعطيك العافيه شطحات إبداعيّه جزله

تقبل تقديري وفائق إحترامي

أخوك نايف الشبيعان

**ابو البدر** · 04/06/08, (09:44 PM)

اخي مصلح

هذا ليس بشعر

واسمح لي أن أقول لك ذلك

وهذه ليست ابيات

هذا يا عزيزي إبداع شعري

وبدون مجاملة كل بيت يساوي قصيدة

اهنيك من القلب

وتقبل مرور أخوك

أبو البدر

**ماجد الغانم** · 05/06/08, (03:20 PM)

عمر غربي .........

الله ...الله ...الله

ما أروع هذه الشطحااات ....

دائماً متميز بشطحاااتك ..ياعمر

صح لساانك ..ولاهنت

على ماقدمته لنا هنا من شطحاات جزلة ..وأبداااع منقطع النظير

لله درك ...

تقبل هذا المرور المتواضع امام شطحاتك الشامخه ....

...
.
.
دمت بكل خير ..ودام هذا التميز اللامحدود

تقبل خالص تحياااااتي

**هندي المقبل** · 05/06/08, (03:44 PM)

الاستاذ والغالي مصلح النشمي

دائما حضور مبهر وابداع وصل الي حد التميز

ابو قيصل جعلتنا نعشق الشطحات الكتابيه والآن نتفاجاء في الشطحات الشعريه

لله درك وسلمت يداك على هذه النصوص الرائعه ذات النكهه الخاصه

تقبل مروري واعجابي بماتكتب .

دمت بود

**الصقار** · 05/06/08, (05:00 PM)

بسم الله الرحمن الرحيم
السلام عليكم ورحمة الله وبركاته

تحياتي اخوي مصلح .............مبدع في جميع حالاتك......

**حمد الخمعلي** · 06/06/08, (05:54 PM)

الاخ مصلح النشمي

دائماً تفاجأنا بما هو الاروع 0

شطحات نشميه

تحياتي لك