اخواني رواد ويلان...
يسرني أن أنقل لكم هذه المحاورة التي دارت بيني وبين الاخ الشاعر نايف النايف وكانت بدايتها من عنده ....
قال نايف ..
في محل العزوه اللي يشرفنا نباهـا=مرحبا من هاجس الوايلي لامن بداها
ملعبتنا با اللقا دارت وتطحن رحاها=ولعوها نار والنـار مـن شبابهـا
مرحبا من هاجسً مايجيب الا الثمين=لرجال اللي على الطيب نكسب ودها
قبل نبدا با القوافي عسى ربي يعين=والعلوم الطيبه يـا عميلـي مدهـا
قال خلف
البقا ياللي ترحـب وحنـا جاهزيـن=-ان بغيت يسار نمشي واذا ودك يمين
والصبر مطلوب والله يعين الصابرين=ولعوها نار .......والنار من شبابها
مرحبا بالوايلي والقوافي لي تليـن=والمعاني هزلها..... لا يغطي جدها
هات علمك كاش ما ودنا بالبيع دين=وقبل لا تنزل ببندة قروشك عدهـا
قال نايف
ان بغيت الدرب الاول ترى نايف يدلـه=وان بغيت الدرب الأخر كذلك جايزً لـه
والصبر في بعض الاحيان ماهو في محله=ولعوهـا نـار والنـار مـن شبابـهـا
البقا بك ياخلف عندنا علمً يقيـن=الجزيله مدها والهزيلـه ردهـا
كل سوقً ندخله مارجعنا خاسرين=والبضاعه من يدينك تفضل بدها
قال خلف
قالوا العربان ...... ياللي تطق الباب خش=وانت عارف بالقوانين صلب ولا انت هش
ما ندور سلك الابرة وهي في وسط قـش=ولعوها نـار ... والنـار مـن شبابهـا
من قديم الوقت ناكل من شواة السميـن=والبحور نخوضها ... جزرها مع مدها
وكل سوق ندخله وازنينه زيـن زيـن=ان بغيت برطلها ... وان بغيت بمدها
قال نايف
اشهد انك تملك الراي وأريائك سليمه=واشهد انا نفتخر فيك يامال الغنيمـه
ما ندور لضليمه ولا نبغى ضليمـه=ولعوها نار والنـار مـن شبابهـا
من قديم الوقت ناخذ ونعطي بـا اليديـن=وبا السيوف اليا لقينـا الجمـوع نحدهـا
با أنشدك هداج وش صار به عقب القطين=كيف حبل رشاك يا اللي نزلـت بعدهـا
قال خلف
من يقدم طيب يلقى مـع العالـم مثيلـه=وانت جزل ومن رجال يحبون الجزيلة
مار وش علمك تغني على راس الطويلة=ولعوها نار ... والنـار مـن شبابهـا
الوطن محكوم والدار دار المسلمين=والسيوف بغمدها والحكومة ضدها
وابشر اني وارد العد بالحبل المتين=وارد شيخ الجوية وانا اللي قدهـا
قال نايف
لو ضربنا واحد بواحد الناتج تسـاوي=ما اختلفنا با القضيه وملبوس الحساوي
والنتيجه يطلع الذيب با المرقاب عاوي=ولعوها نـار والنـار مـن شبابهـا
احمد الله واشكره ما لحقنا الاولين=كل يمنا تفتخر في فعايـل جدهـا
انت رجال معاصر على مر السنين=والجزيله يا ابن وايل وسمنا خدها
قال خلف
يا وسيع العرف .. دجلة ترا ما زال دجلة=والسحاب الي زبر فالسما... ياربي اجله
والا انا رجلي على اللازمة بالحيل عجلة=ولعوها نار...... والنـار مـن شبابهـا
الفخر وانا احمد الله من فعول اليمين=وخزنة الكنز القديمة حفظنا سدهـا
وانت نعم .. ولا حفرنا قبور الميتين=وقبة من فعل حامد ..حمود يهدهـا
قال نايف
من تفيا بأخر العمـر مافـاده مقيضـه=والسحاب اللي تزّبر يبي ينزل مفيضـه
ومن نزل في وادي السيل يا ربي تعيضه=ولعوهـا نـار والنـار مـن شبابـهـا
والنعم بك وبيمينك وحنا غانميـن=وانت قلت ان الجهل راح لاترتدها
الله يديم الوطن من عيون الحاقدين=والبيارق رفرفت والعلم في مجدها
قال خلف
المطر يمطر على البحر الاحمر .. يا خسارة=علموا راع المغاتيـر : لا يفـارق ديـاره
ما اهبل اللي فوق الامواج يبغى يشب نـاره=ولعوهـا نـار ... والنـار مـن شبابهـا
قالوا اخبار الحيا للعـرب لازم تبيـن=مار لاجتها الهبايب ... يصحصح خدها
والوطن محفوظ بالله وبالحكـم المكيـن=ولقمة جتني كـذا حالـف مـا الدهـا
قال نايف
علمو راع المغاتيـر ويعلـم خويـه=كيف ضيع سرجها يوم لوّح با اللعبيه
يبغا شب النار وانار مشبوبه وحيـه=ولعوها نـار والنـار مـن شبابهـا
قالو اخبار الحيا عرقها كنـزٍ دفيـن=ما لفحها لاهب الصيف والا بردهـا
والختام المسك ياصاحب القلب الفطين=ولقمة الصدقـه لمحتاجهـا ماردهـا
تحياتي للجميع...
31/05/08, (08:22 AM)
رد: محاورة بيني وبين الشاعر نايف النايف ...
العرض العادي
