في ليلة الجمعه ولا ادري على وين ؟
بـس الاكيـد انـه ذبحنـي غلاهـا
اسمع صدى صوتي واحسك تناديـن
واقـول يالله يـا رحيـم.. اتهداهـا
تدرين في شوقي ولو كـان تدريـن!
النفـس تجهـد بالوفـا مبتغـاهـا
ماهو مجرد حـب يعنـي تحبيـن !!
ولاهو مجـرد شـوق والا عساهـا
يمكن احس اكثر من انـك تحسيـن
لو ما وصلـت أشيـا تعـذر مداهـا
ويمكن اجي لك كيف منتـي توديـن
واعن رجلـي واثـق ٍ فـي خطاهـا
ياهي قوووية كان شفتـك تروحيـن
وانا تبعك وامشي كـذا فـي عماهـا
اعقل من العقـال سيـد المجانيـن
حكمة (ذكاءها) في مجـرد (غباهـا)
هذا مكانك يـوم كنتـي .. تقوليـن:
ان الحـلا بالبنـت شوفـك حلاهـا
وهذا مكانـك يـوم كنتي..تشوفيـن
ان القصايـد افرطـت فـي دفاهـا
وهذا مكانك يـوم كنتـي.. تظنيـن!
اني هذيـك البنـت ماشـي وراهـا
وهذا مكانك يـوم كنتـي.. تصليـن
ولو تسألين الارض تبكـي سماهـا
واللحين روحي سامـح الله ثنتيـن
روحي وروحك يـوم دقـت رحاهـا
وابسألك بالله من حيـن لـى حيـن
تمسكي بحاجه .. وحاجـه معاهـا !
دامك لبستي هالقـلاده مـن سنيـن
تذكّـري !! منهـو لعينـك شراهـا
الشاعر ـ سعد بن مسهوج العلاطي
09/02/08, (02:02 PM)
القلادة+++()()()+++
العرض العادي
