بــــشـــر هـــــ الــنــــــوع ؟!!

[هيـاا العـازمـي]

المشاركة الأصلية كتبت بواسطة بدر الحنيف

،،

أنا ماني جبان واملك القدره اقول : فلان = اشوف الناس وافرقها .. واسميها بأساميها
عشان الخوف للورعان والنغزات .. للنسوان = انا لي شرهة ٍ ماتزل الا عند راعيها
واذا ماشفت راعيها .. اكرمها عن النقصان = ودهاليز الظلام " المّخنزه " .. ما والله امشيها
اعرف ان السوالف عمرّها ماتشبع الجيعان = لا تجلب "ماك " يا باشا وسط حارة سواقيها
ترى عيب الرجاجيل اتطوى كنها الديدان = واذا شافت بلاد الطيب ... تبعد ما تدانيها
بلاد الطيب لو كانت تعاني نقص بالسكان = لو ان الضيم .. يدحمّها .. فلا تخلف مباديها
على الشيمه وبالشيمه .. تشرع مجمل البيبان = هقاويها بخير .. وخير يلقا .. من هقا .. فيها
وانا ماترمي البندق من إيدي .. مالها نيشان = ورمـيّ اعراس .. بين الناس .. طاشت في مراميها
عسى عذر الخبل .. لامن تعذر يعبر المحقان = ليّـا منه حكا عذره .. يجي فيها .. وما فيها
اعرف الناس .. والحقران سيف ٍ يقطع المصران = ليّـا شفت الوجيه .. اللي بلاها في علابيها
اذا جات بخطا واضح اجيها كني الطوفان = اناديها .. وأبيّـن وش خطاها .. حين اناديها
وذا ما تابت .. وعادت .. ابا اطلاها من القطران = لاجل ما تبلش ارجال ٍ .. على جريف ِ وتعديها
وجيه ٍ لوتلوّنها القناع .. وطـّبـت الميدان = اقووووول : الهون .. يا خطوات تخثع في خطاويها
بشر .. هالنووع في عيني .. زعلهّا من .. زعل طوووقان = اذا جتني .. اوقـّـفـها .. واهـرولـهـا .. وامـشـيها
تبي .. تاكل بعضها ... والزمان ان وجهه .. بان = بوقت ٍ من .. تتقى بالحصاه .. اقبل يدربيها
ومدام الحق .. يفرق به خطا .. الصالح .. من الخربان = خطا .. من يشكي اوجاعه .. لنفس ٍ ما تداويها
وانا لا شفت من يقدح .. من الصوان .. بالصوان = اشوف الناس .. وافرقها .. واسميها بأساميها

ودمـــتــــم ،،

.
.

وش حيلة اللي صابته رميـة الهدَّيـف بدر الحنيف

الله لا يضرك

فـَ قصائدك تتجه للهدف لـِ تُصيب المقصد

لله درك

كبرياء وشموخ وعزة وسمو غير مستغرب عليك

فـَ صح الله لسانك وبوحك وفكرك على هالابيات الجزلة

والوافية والنبيلة المرامي

أسال المولى العلي القدير أن لا يجعل الدنيا أكبر همنا

قويت يا بدر الحنيف

تقديري

هيـــــاااا