مزاين عتيبه الهيلا/حصريا لويلان

[نايف الثبيتي]

وفي المساء بدء حفل خطابي تخلله العديد من الفعاليات كان من ابرز مافيه



هذا الشاعر من بني وايل عنزي سمعت اسمه اثناء تقديمه لكن للاسف نسيته والحق يقال انه بدا قصيدته تفاخر

بافعال جماعته وبطولاتهم وعندما انتهى بدا بمدح عتيبه وهكذا يفعل الرجال



احد شيوخ قبيلة المقطه التابعين لابن حميد امير عتيبه



واليكم قصيدته اللتي القاها

في مزاين الهيلا الرجال المناعير=اهل الفعول اللي بعيدن مداها
زحول الرجال اللي تضد الطوابير=يشهد لها التاريخ وكلن قراها
برقا وروق مثبتين المعايير=سلالة هوازن والله اللي حباها
اهل الاباعر صفر وضح ومغاتير=ومجهم وشعلن غاليه في شراها
اهلا هلا باللي لفونا خطاطير=ويامرحبا بضيوفنا ومن معاها
ويامرحبا والحفل نور تناوير=حفل الجعيد اللي علا مستواها
اللي لهم في شمخ العز تقدير=اهل الوفا والطيب ربي عطاها
الفزعه والوزعه وحسن التدابير=وان صكت الدعوه تزاحم خطاها
اديارنا شقصان فوقن من النير=هذاك منزلنا وحوله قراها
وشيخ القبيله عايض ابن المسافير=كل المراجل حافها واحتماها
ماهو من اللي يحسبون المخاسير=من مدته منته بلاحق جزاها
وشيوخنا فيها الوفا للجماهير=حتى الوفا ياخذ وفا من وفاها
احدى عشر خامس على الشر والخير=فيها التكاتف ماتخيب رجاها
وان ثارت الهيجا وصارت معاصير=واصطكت الدعوه ودارت رحاها
تلقى الجعيد يبشرك بالتباشير=بالمال ولا الجاه ولا عصاها
هذي قبيلتنا ولابه تغايير=اتشوش لانادى المنادي علاها
وفيها الولا لال السعود المشاهير=حكامنا اللي عايشين بذراها
وفي ظل منهو مسير الكون تسيير=وفي ظل ابومتعب وكل اومراها
واختم بذكر مصور الكون تصوير=اللي بسط سبعن وسبعن بناها
وصلاة ربي عد مارفرف الطير=على النبي المختار بعالي سماها