البـــــحر الـــطــويل

[عبدالله الثابت]

المشاركة الأصلية كتبت بواسطة فيصل بن قنه

يشرفني ان تكون اول مصافحة لصرح شبكة ويلان العربية الشامخ بكل ماتحمله الكلمه من معنى

لا ابتدا ليل القصايد على صوت الصهيل = فطيبها من طيب اهلها وطيب حضورها
ان بغوا بحر الرمل جاوب البحر الطويل = الشواطي حدها والبحور بحورها
حملها ريش وعتبهاعلى راسي يسيل = السحاب اللي مقامي يفج نحورها
اسقني يا وارد الما من الما سلسبيل = برد اللي في عروقي ذبحني فورها
فكرة شبة براسي مثل راس الفتيل = خايف لاثورت بيعثي بي جورها
ماسك كف الثريا وانادي يا سهيل = النجوم المرقبه لا تعن مهورها
خلها تسري وراها قبل ياتي المقيل =لابدت شمس الضحى ويش عازة نورها
اما انا بسوقها دام في الوسعى سبيل = وأزرع حروفي قصايد واشم عطورها
الكلام يزيد والزود في بطن القليل = والقصايد كنها خارجه عن طورها
جاتني بالطيب ولا يداويها الصميل = لين تمشي حسب قولي على دستورها
شارع قومه سلاطين مافيها ذليل = وويل منه في الملاقا يخالف شورها
من سلايل يام والعز في فعل الجميل = والجماله فعلها والشبور شبورها
غردي يافكرتي وان تطاروا فيش قيل = المدينه تنحني لش وشم قصورها
جابش اللي حده الوقت واضناه الرحيل = والليالي لاعبه في حياته دورها
والله ان اطلعبش الجو ولا يا حليل = نفسي ان شامت علي وانثنت لكسورها
وانت ياللي تحسب اني من الفرقا عليل = شرهة البيبان في اللي تعمر دورها
اشهد انه ماحداني على ميناء الجبيل = غير ناس لا لقتني تدق صدورها
ادري انها تحسب اني من الفرقا عليل = وادري ان اتلى العهد لا اللتوت بظهورها
لكن الدنيا تجارب وليل بعد ليل = والليالي البايره مارحمنا بورها
تقتل الحي وتغني على قبر القتيل =كنها دبكة هل الشام يوم سرورها
وان رجعنا للتواجد من فرقا الجديل =فيا وجودي ياديار بغيت ازورها
ماسكنها غير خشف هواها مستحيل = وردة القصر المعظم حرسها سورها
كنت اغني دوم وان طربت لصوتي تميل = ميلت اغصان الشجر للهوى بخصورها
وما فقدها غير انا وانت ياشاطي النخيل = يوم ودعنا هواها وحان عبورها
وما حفظت امن الاغاني مثل غنيه لأصيل = الخير نفس الخبر والدهور دهورها
لكن الله لا يهينك تعانز يا سهيل = الشواطي حدها في وجيه بحورها
دامني بجر صوتي مثل صوت الصهيل = ريعها في لحيتي لا نقد جمهورها

ارحب ارحب يابن قنه


هلا وغلا


ابرك الساعات يوم شفناك بيننا



وصح لسانك يامبدع



وانت تعرف راي اخوك فيك



فيصل بن قنه متميز بكل ماتكتب


شاعر قادم الى الساحه بكل قوه وامسية نجران دليل على تحليقك في سماء الابداع


وتقبل تحياتي وتقديري ولاتحرمنا من تواجدك وابداعك


شبكة ويلان العربيه تتشرف باللي مثلك وشرواك


تحيـــــــــــــــــــــــــــــــــــاتي

[ماجد الغانم]

الأخ العزيز

والشاعر الرائع


فيصل بن قنه اليامي

ياهلا والله وحياااااااك الله بين أخوانك


وصح لسانك على هالقصيده الشامخه والجزله


أبدااااع وتميز لا يجاريه أبداااع

لله درك ولا فض فوك

دمت بكل خير


ودام هذا التميز والأبدااااااااااع

[البيداء]

وانت ياللي تحسب اني من الفرقا عليـل

.....................................شرهة البيبان في اللـي تعمـر دورهـا


اشهد انه ماحداني على مينـاء الجبيـل

........................................غير نـاس لا لقتنـي تـدق صدورهـا



مرحباً بالأخ الفاضل والشاعر الرائع " فيصل بن قنه اليامي "


يكفي للويلان شرفاً تسجيلك فيه .....


فأهلاً بك َ يااخي الكريم بين أخوانك وأحبابك الذي يسعدون بانضمامك إليهم ....


وصح لسانك واعتلا شانك ،، قصيدة رائعة ذات حضور قوي ومبهر ،،


لا أدري كيف أشكرك عليها فقد استمعت ُ بقراءتها


خصوصاً على وزن يصعب النظم عليه ،، حيث يتجنبه الشعراء كثيراً نظرا لصعوبته


ونظمك عليه يدل على قدرتك الشعرية الهائلة ،، فلله درك من شاعر


وهنيئاً لنا تواجدك بيننا ....



وتقبل خالص التحايا والتقدير لشخصك الكريم



اختك " الـبـيــــداء