محمد بن الذيب !! ملعونة الخيّر

[هيـاا العـازمـي]

المشاركة الأصلية كتبت بواسطة سعوط المجانين

السلام عليكم

مساكم الله بالخير

اليكم اعزائي هذه القصيده للمبدع \ محمد بن الذيب واتمنى ان تحوز على رضاكم

يالله مسا خير قلبي منقبض وشبه = من رهبة الناس ولا القلب متطيّر
يامعير ٍ شوق قلبي روح وانحشبه = مكينة القلب تصرف شوق يامعيّر
مثل رذاذ المطر مايحيي العشبه = يحيي فؤاد المغربل شوفة نويّر
هنوف بدو ٍ طرف قلبي تعشعشبه = العين تشفق لها والخاطر مشيّر
قالت انا فيه موضوع ٍ بدردشبه = قلت ارفعي الصوت لبى وجهك النيّر
قالت اخاف اتغيّر قلت ويلش به = اما التغيّار لا مانيب متغيّر
قالت قبل تبلش احساسي وتبلشبه = تراه قطة وجه من عادة صغيّر
لاتبلش القلب في حبك وتبلش به = ابن آدم ان طال عمره عمره قصيّر
وتقول بعدين هذي والله النشبه = اعلمك بالحقيقه وانت عادك امخيّر
وطيت راسي وانا افكر وكنت أشبه = من حيّرته السنين ومات متحيّر
ومن ثم اخذت رشفة حنان اتنعنشبه = ولديت فيها النظر وقلت يانويّر
(لو قالوا الناس لك يوم ٍ ورح عش به = حذفت عمري وراي وجيتك مسيّر)
لكن كلام ٍ مالك به خير وش لك به = لاتذيرين الغلا ويروح متذيّر
وقولي لرمشك اليا جيت اتحرش به = يرحمني شوي ( ياملعونة الخيّر )

وسلامتكم

.
.

الله الله الله

" يا ملعونة الخيّـر " الله المستعان

لله درك يا خوي سعوط على هذا الإختيار

اشهد ان محمد بن الذيب يرضي الذائقة بالفرائد الجزلة والقوية

صح الله لسانه ويعطيه ألف مليون عافيه ولاهان

.
.

شاكرة وممتنة لكَ الإتحاف بهذه الرائعــة

تقديري

هيــــااااا