( أعـضاء الـويـلان وقـصـيـدة حـروفـها مـن ذهـــب )

[منصور الرويلي]

من اليمن لاقصى الجزائر الى الشام = ومن مشرق العالم الى آخر جنوبه
ضج الخبر واللي تناقله الاعلام = مـوتـة زعـيمً للعـرب والعـروبه
اليوم هذا غير عن كل الايام = عبرة بوسط القلب تشعل شبوبه
الحاكم اللي يحكم بشرع الاسلام= اللي بفعل الخير كانت أدروبه
حرً يضيم أعداه ماعمرة أنضام = عزً لمن جار الزمن والتجوبه
مرحوم ياللي ماتوّفـية الاقلام = وقصايد الشـّعار واللي أكتبوبه
هذا أبوفيصل ( فهد ) حـر ضرغام = ليثٍ جمع مع المرارة عـذوبه
هو فزعة الصاحب وكيدً للاخصام = تراجع العـدوان لافـكـروا به
عـزالله أنه ينذخِـر للقا حـزام = للي سمع بالمجد واللي قـروبه
له خطةٍ تحكي حضارة 100 عام = رسم معالمها ونهجه مشوبه
به حكمة القائد وتحقيق الاحلام = به رحمةٍ وأخلاص وعطف ومثوبه
أبو الارامل والثكـّالا والايتام = ياما عطاهم بالخفا مادروبه
عشنا تحت ظله بخيرات وأنعام = والسيف للمخطي حسام وعقوبه
مع الرخا والخير ؟ بالموقف حسام = رغم التناقض قادها في عجوبه
في خدمة البيتين هو خير من قام = نفسه نذرها ولا يبي من ينوبه
وفي شهر أغسطس عام عن كل الاعوام = اللي على من خان أعلن حروبه
الدايم الله وماسوا الله مادام = الامر لله والاعمار أمحسوبه
ياالله يامنزل تبارك والانعام = ياالله يارحمن تغفر أذنوبه
تغسل خطا مليكنا أبن الامام = يارب ياغافر خطا كل توبه
أنت العظيم المقتدر رب الآنام = بعطفك ولطفك يارجا من دعوبه