الأخ العزيز
والشاعر المبدع .....والمتميز
السويلمي
صح لسانك ....ولاهنت
قصيدة أجتماعية تحاكي الواقع بكل صدق
وقصيدة جزلة بمعنى الكلمة وتزخر
بالمواعظ
والحكم
والنصح والتوجيه
=============================
كل مخطي يذكر الله قبـل لايخطـي شمـام
ويعرف ان العمر صفحه والفعايـل حبرهـا
ويتغسـل عـن ذنوبـه ويترفـع بالمقـام
ويتحاشى لو يضيع بوسط عينـه صغرهـا
في زمان فيه وهـن وفيـه ذلـه وإنهـزام
والفتن مثل الطيور اللـي تناسـت وكرهـا
ولا يغادر هم قلبه غير مـن صلـى وصـام
وعاش عمره في مجالس عطرها من ذكرهـا
ومن تمسك في سهام الليل تخطيه السهـام
يحفـظ الله كـل جبهـة ماتناسـت وترهـا
البشر قمة شموخـه سجـدة لـرب الأنـام
وسط ناس في زمنا جاهـرت فـي كفرهـا
ان طلبنـا نطلـب الله للصحيـح وللسقـام
ولانوسط وانتوسـط فـي الحيـاه وامرهـا
نحمـد الله فـي بلدنـا لامـزار ولا مقـام
ولانتبرك عند نـاس بالشـه فـي عمرهـا
انت ياسامع كلامي اترك اسبـاب الخصـام
عن كلام مايفيـدك صـون نفسـك وادرهـا
واليميـن اللـي تقـودك للمذلـه والحـرام
كـان ماادبـت نفسـك مايفيـدك بتـرهـا
لله درك على هذه الأبيات والمواعظ
====================================
هيض جيوش السوالف شي وسط الراس حام
والسكارى مايغـادر مـن عيونـي سكرهـا
إستثارتنـي وثـارت داخلـي مثـل الغمـام
وامطرت بي حرف حرف وذوقتنـي قطرهـا
ؤالسماء سوده وبين نجومها البيض ازدحام
كانهـا تعجبـك قلـي وش تقـول فبدرهـا
البدر بين النجـوم النـور والباقـي عتـام
لاطلع في ليل نجمه تستحـي مـن سمرهـا
ياكواعب يالواعـب بأكثـر عقـول الفهـام
مصدر السحر الحـلال وسالفتنـا سحرهـا
كل بنت نقول دره ياخـي وش هـذا الكـلام
والله ان الدره اللـي تجتهـد فـي سترهـا
السواد احلى على قلبي مـن اشبـاه النعـام
ومـن تغطـت بالظـلام الله ينـور قبرهـا
هيه ياللي تسترين الراس يابنـت الحشـام
يابعـد كـل الوجيـه السافـرات وسفرهـا
كل من شافـك بعينـه ذاق طعـم الاحتـرام
واستحى يرفع عيونـه لـو تعـود مكرهـا
في سوادك الف حصن ودونها فارس همـام
يحرسك من شر نفس تشتكـي مـن فقرهـا
فارسك دينك وخلقـك فـي نهـار الاحتـدام
انتخي به لانـوت بـك كـل عيـن غدرهـا
والله ليبطون وانتـي بالسمـا بـدر التمـام
ولايطولك قـول نـاس ميتـه مـن قهرهـا
الله عليك على هذا التصوير الجميل تصوير ولا أروع
يسلم راسك وبيض الله وجهك
====================
ويامخصر يامعطر وسط سـوق بـه زحـام
فيه تلعن كـل بنـت خايبـه مـن عطرهـا
لاتدور في عيون الخلق عن مـدح وغـرام
مايزيـد البرتقالـه لـو تـزيـن قشـرهـا
ومن تبيع احلى المعاني لأجل ذيـب ماينـام
السهر مشقي عيونـه دنيتـه يـا صغرهـا
لايغرك لو سمعتـي منـه معسـول الكـلام
من تقدر شخص واطي صار واطـي قدرهـا
صوني العرض الشريف ولايحقق بك مـرام
وإرفعي نفسك وعيشي دنيتك فـي طهرهـا
اسمعيني وافهميني واذكـري يـوم المقـام
يوم يندهك المنادي والبشـر فـي حشرهـا
يوم غيرك في جنـان كلهـا بـرد وسـلام
وعوض الله كل بنت فـي نهايـة صبرهـا
وانتـي بـدار عليهـا لعنـة الله والأنــام
وسـط نـار مايوصـف بالقصايـد حرهـا
يـوم مـا لاينفعونـك لاخـوال ولاعـمـام
ولايفيد النفس لو هي تجتهـد فـي عذرهـا
السويلمي هنا تلا مس الجرح بأسلوبك الخاص
شكراً على هذا الفكر الواعي والراقي جداً
لاهنت....
=======================
ياعسى الله يجتبينا مـن خطايانـا الجسـام
ويحفظ امتنا ويبقـى دينهـا هـو فخرهـا
اللهم أمين .......
القصيدة واكتبتهـا داخلـي عـوج العظـام
ومن يحب الخير لازم يجتهـد فـي نشرهـا
جزاك الله كل الخير .....وجعل هذا في موازين حسناتك
صح لسان مرةً أخرى .........ولافض فوك
دمت بكل خير
ودام هذا التميز والأبداااع
تقبل خالص التقدير والأحترام
14/07/07, (07:11 PM)
رد: •·.·°¯`·.·• (الـكَــوآعِــبْ) •·.·°¯`·.·•
العرض الشجري