(( اعـــــدي المرقـــــاب )) 00000

[صالح الجطيلي]

المشاركة الأصلية كتبت بواسطة سلمان الردسا

بعد المحبه والسلام



نصافحكم بهذه القصيده التي اتمنى ان تنال اعجابكم





ودمتم بخير جميعا

يامل قلب كل ما يعتم الليل=يصلاه وقاد الحشا حزة ادماس
اشرب من الحسرات مر الفناجيل=اشرب همومي والمعاليق يباس
كنه تفوح بضامري د له الهيل=هدف الضلوع النار والقلب محماس
مثلي مثل عود قضى ما به الحيل=راح ولده لعداه جثه بلا راس
في ساعة فيها اسمكة عجة الخيل=كل من ظهرها طاح به طعن وغماس
في موقف كله صياح وتهاويل=واللي فعل يكسب مع الطيب نوماس
وقت مضا وتبدل الوقت تبديل=سبحان رب ايغير الناس بالناس
هذا زمان عفن كله غرابيل=مايصبر عليه الاقوي حيله وباس
مليت من هم وعنا كثر ما اشيل=عندي صواديف بلا كيل وقياس
ما ابي اجر الصوت ثم ازعج الويل=واصفق على الماضي الاخماس با اخماس
ما فات راح وسالفه بالتعاليل=قصة ارددها بصدر كل مجلاس
دنياك هاذي ما بها من محاصيل=يفنا بها حي وتحيا بها اجناس
ولا يبقا غير الفعل من عدل وميل=اما تجيها طيب ولا تجي ادناس
ولا ابي عن ادروب الوفا اصد واعيل=لادق بي من ماضي الفكر هوجاس
ابي على كيفي انا عيني اتخيل=واعدي المرقاب طرقي وعساس
بوقت بدالي بااو له طلعة اسهيل=واخايل البرق بمهب كل نسناس
غر السحاب اللي تنثر هماليل=ينزاح به عن خاطري ضيق واعماس
ارض تروت بالمطر عمها السيل=ولبس خضار العشب ليحانها الباس
ازرق لونه يشدي لصبغة النيل=من الوعر لسهولها لحد الاطعاس
واصحب رفيق من الوجية الاقابيل =للمسرى ذيب وللطويلات قرناس
يفداك لاخان الزمن بالمقابيل=به مرجله مع طيب ما هو من الانجاس
واضفر ببنت عم معربه من اخاويل=طيب واصل واخلاق ما ثوق من الناس
شوف الهنوف ام الرموش المضاليل=اللي زهاها الوصف من زين والباس
ريمة مايلحقه قال مع قيل=هي الذهب والكل من حولها انحاس
عيت لا اجيها بالوعد والمراسيل=الستر والعفة لها صف حراس
اخلاقها مع زينها في تماثيل=قليل منهو مثلها بالوطا داس
لوايتهيا كل هاذي مناويل=يكفيك من دنيا العنا ربح وافلاس

الشاعر /سلمان الردسا

صح الله لسانك على القصيده الرائعه

سلمان اسأل الله لك التوفيق

تقبل مروري وتحياتي لك