ياهاجس الشِّعْر لاهبّـت شماليّـه

[زياد الشمري]

المشاركة الأصلية كتبت بواسطة مفوز مقبل التبيناوي

بسم الله الرحمن الرحيم

ياهــــــــاجس الشِّـعْر لاهبّت شماليّــه = مع أوّل الوســـم والغيـــمه تحيّيــــها
زِجّ الغْنــاء طـــــول حِسَّـك بالهجينيّه = لاتستحي خَلّ كل النـــــاس توحيــها
ويا مِنّــك اشمَـلْت مع خطّ ابو حدريّـه = ياهـــــاجس الشِّـعْر تكفى لاتداريـها
شمــــالي ٍ وانتشى مع ريـــح وسميّــه = وش عـــاد لو قــالو انّـه رايحٍ فيــها

***************

غَــنّ الوفـاء والرّبيــع وصـــافي النيّه = واحلى المواويل حاضِرْها وماضيها
قِم غَـنّ هديّــــتي لاهْــــل النّعيـــــريّه= بـــاقة شِعِرْ من فياض العشب أنقـّيها
وانظُم خزيِّم، ومخنــاقه، وتركِيّـــــــه = ومن النّفَل والخزامىافْرِش واغطّيها
لعيـــون بنتٍ هنـــوفٍ تــــرفةٍ حيّــــه = بنت الرّبيـــع إسمها كاني باسمّيــــها
تتنفّس من البحر والــــرّوح نجــــديّـه = والشِّـــــعِرْ لامَــرّها لازم يحيّيـــــها
واجــواءها بيــــن برّيـَّــه وبحــــريّـه = والــرّمْث من حـــول طلـّتها محلـّيها

***************

تـَلـْـــقى هَل الصّيد فيــها والهـــواويّه = واهْل الأدب والثـّقــــافه في نواحيها
الصّــبْح بالسّــوق حاجـــاتٍ تُراثيّـــه = والطّيب من بيـــن بايعها وشـــاريها
والعَصْر حِرٍّ، وشيهــانه، ووكــــريّه = تشَـرّفـَـت يوم(تركي) صار راعيها
والليــــل يشتـَـبّ عرضاتٍ ورديّــــه = مع أُمسيـــاتٍ مثل هـــاذي تمسّيــها
صارت من المهرجـــانات السّيـاحيّه = فيها السّيـاحه رقـَتْ لااسمى معانيها
والكـلّ فرحـــان والفرحَه طبيعيّـــــه = بوجيــــه زوّارهــا بانت مـــواريها

**************

وان كـــان قــالوا ليــال البَرْد مجفيّه = دفء الأحـــاسيس بامكــانه يدفـّيها
أقــــولها واكـْــثـَر الحِضّــار طرقيّه = زوّار والنّفس رغبتـــها تمشّــــيها
ياهــــاجس الشّـعْر دامَــك بالنّعيريّه = هيــجِن، ترى النّــاس فيها مايكفّيها

مفوّز بن مقبل التبيناوي
ربيع عـــام 1428هـ

مفوز التبيناوي
صح لسانك مليون
وسلم بنانك
والله يديم الربيع بكل عام علينا

الاهبت شماليه فرحت وصرت انا مسرور000000أحس ان الهوى جاني من ديار العزيزيني

تقبل تحيتي
وفائق احترامي...........

[مفوز مقبل التبيناوي]

الأخ/ صالح الجطيلي ، أشكرك على المرور ويسعدني رأيك.....

دمت بخيــــــــــــــــر،،،،

اخوك/ مفوز[

[مفوز مقبل التبيناوي]

الأخ/زياد الشمري ، الله لايهينك سعدت برأيك........

ومرحبا بك في منتدى الجميع،،،،،

اخوك/ مفوز التبيناوي.

[ناقد القصيد]

الاخ العزيز:

مفوّز بن مقبل التبيناوي

اتخلى عن اللقب الذي احمله في المنتدى (ناقد القصيد) عندما استعد لمصافحة احد معلقاتك

فاستمتع وابحر في بحورها واستشف منها الدرر كمتذوق للشعر مبتديء ,يأتي ليشبع حواسه وهو يقرأ

لقامة من قامات الشعر ....

فلك كل التقدير والاحترام

والله يقوينا على رد الجماله ...

[محمد الدلماني]

رائعه ياخوي مفوز


وان كان قالوا ليال البَرْد مجفيّهدفء الأحاسيس بامكانه يدفّيها
أقولها واكْثَر الحِضّار طرقيّـهزوّار والنّفس رغبتها تمشّيهـا
ياهاجس الشّعْر دامَك بالنّعيريّههيجِن، ترى النّاس فيها مايكفّيها

[مفوز مقبل التبيناوي]

الأخ/ ناقد القصيد أتشرف برأيك،،،،،

الأخ/ محمد الدلماني يسعدني مرورك،،

اخوكم/ مفوز التبيناوي،،،،.