عــــــــاش الوطن

[ماجد الغانم]

المشاركة الأصلية كتبت بواسطة سعد النفج

السلام عليكم ورحمة الله وبركاته.. اما بعد

هذه القصيده وطنيه بسبب الاحداث التي قام بها الضالين عن الحق
والذين احدثوا العديد من الاعمال الاجراميه..
نسأل الله لهم الهدايه والرجوع الى الحق..
والتي أرجو ان تحوز على استحسانكم ..

يالله باسمك بادي(ن) بالكـــلامي..
ياعالم(ن) بالغيب يا نصر الاسلام..
يا خــالق(ن) آدم عليه الســــلامي ..
و جعلت من ذريته ناس واعـــلام ..
و ارسلت يالمعبـــــود خير الانتامي ..
رحمــه وينذر من عبد دونك اصنام ..
جامع شتات الناس شرق(ن) وشامي ..
تحت شعــــار الدين والزم به الـزام ..
والدين واضح في حلال و حرامي ..
بـيــّـن به القــرآن في كـل الاحـكام ..
و ببلادنا حكم الشريــعه يقـــامي ..
حكـم(ن) من الله محكم(ن) كله إحكام..
الكل فيها بالصحتيح استقـــامي..
الشـعب واعي والوطن فيه حكــام..
حكـام بقيــادة عـــزيز المقـــامي..
عبـدالله اللـي للصعـيبــات مقــــدام..
يصيب ما يخطي الهدف والمرامي..
رايه سديد ومكـــرم(ن) شعبه اكـرام..
وولي عهده مروي(ن) كل ضامي..
سلطــــان تعجز عن تواصــيفه اقــلام..
ونايف لنا نور(ن) تحدى الظلامي..
ابن الذي جـمّــع له اقـــوام واقـــوام..
و آل السعود الوافيين الحشامي..
حماهم اللي جدد العــــام بالعـــــــام..
و حنا نجدد حبنا بكل عـــــامي..
عـــــاش المــلك للمـــملكه والأمن دام..
و عاش الوطن دايم بعز و سلامي..
و حنـــــا لأمن المــــملكه دوم خـــدّام..
أخضر علمنا فيه (حق) و ( حسامي)..
عاش العـلم مـــــرفوع من بين الاعـلام..
ما زعزعوه الحــاقدين السقــامي..
اللي مشوا درب المفـــــاسد والاسقــام..
خير الوطن ذاقوه شرب و طعامي..
و جزوه بالنكـــران من بعد الانعــــام..
ما خافوا المعبود منش الغمامي..
ضلوا و ضاعوا و احدثوا قتل و اجرام..
كم طفل ماله ذنب جته السهامي..
كم يتموا ,, كم الحقـــــوا جرح و آلام..
كم أم صااااحت كم قتل من عصامي..
كم من شهيد(ن) كان يبني له احــــلام..
كم من أبو في دمعته ما يلامي..
نثر دموعه فـــــاقد(ن) حلو الايــــــام..
أقسمت بالله بالوفا والســـلامي..
والشعب كله مقسم(ن) بالله اقســــــام..
عيوننا لاجل الوطـــــن ما تنامي..
و رجال الامن اهل الشجاعه والإقــدام..
و صلوا على خير البشر بالختامي..
اعداد من عانق و آمن بالاســــــــلام..

الأخ العزيز

والشاعر المتميز .....والمبدع


بــــــــــحــــــــــــــــــــق

ســـــــــــــعـــــد الــــــنـفــــــــــج


صح لسانك .........ولاهنت

قصيدة شامخة وجزلة


أتحفتنا بها لا سيما وهي

بالوطن الغالي

وتنبذ وتستنكر أفعال هؤلاء الضالين عن الحق

الذي شوهو صورة الأسلام


نسأل الله لهم الهداية ....والعودة الى طريق الصواب



أخي سعد لله درك..............لله درك ..............لله درك


ولافــــــــــــــــــــض فــــــــــــــــــــــــــوكـــــــــــــــــ


وبيض الله وجهك على هذا الأبداع والتميز

دمت بكل خير