###المرجلة ماهي بكلمة تنقال###

[عبدالكريم العنزي]

المرجله يا خوي هي طولـة البـال=هي العزم هـي الصبـر فالظلايـم

فيهـا الكـرم عـزه دلـه وفنجـال=فيها الكرامه عن ردى الطبع شايـم

والدين لامنـه خـذا القلـب منـزال=مشى طريق الحـق وابليـس نايـم

ومن لا عرف ربه في طيب الحـال=لابد وقـت الضيـق بالهـم هايـم

حتى صلاتك مع جماعـات ورجـال=في خيرها يا خـوي نعـم الغنايـم

ولامن نصف ليلك قم صفـي البـال=يا عظم أجرك بيـن ساجـد وقايـم

ولا من رفع ربي له كـل الأعمـال=حسن الذكر لا قالـو فـلان صايـم

وخلك شريف القصد يا طيـب الفـال=سوء المقاصـد فالبيـوت الهدايـم

واحذر تبيع النفس في درب الأنـذال=وتتبع خـوي إبليـس راع النمايـم

شاكر لك نقل القصيده الراااااااائعه والجميله


لك الووووود