تو ماطيركم حاااااااام .........؟

[ماضي الصبر]

بدووووون مقدماااات ...

ممكن تمشيها علي بمزاجي = لكن تمشيها شطارة بالأحلام
تبطي عظم ماهي علوم ومناجي = بدري ولو تقعد تخطط مية عام
ماجيت بة ماهوب شيئ مفاجي = خطتك كاشفها لها شهور وأيام
كشفتها وأغضيت ماني هجاجي = أشوف وش ممكن تسوية الأقزام
ياكبرها ياشين مكر الدجاجي = أثر الدجاج أشكال وأنواع وأحجام
هذا ترى سر العجب وأنزعاجي = حتى الدجاج أصبح يخطط لقدام
ركز وأنا اللي عارف وش خراجي = أنا هنا صاحي لفرسان الأفلام
أنا الطبيب اللي لدية العلاجي = لهل العقول اللي تقلب بالأوهام
يا أهل الخطاء مابة علي أحتجاجي = البادي أضلم دربكم كله ألغام
أضلم سماكم وأمتلاء بالعجاجي = والدرب سكر ياهل الكيد بأحكام
تجرعوا للمر هو والهماجي = توة صدر حكمي عليكم بالإعدام
ماعندكم هالحين غير الملاجي = لا .. والله .. ألا .. تو ماطيركم حام

[طلال معيض]

لاكن تمشيها شطارة بالاحلام
الله انا اول من يصافح قصيدتك فخور جدا ياماضي فعلا اكون صادق لما اقول انت مبدع

[الجوهره....]

ماضي الصبر


صح لسانك ولاتهون على هالابداع..


فعلا لاتحتاج لمقدمات وهي بهذه الجزالة


تشوقنا لما هو قادم منك..



دمت بكل الخير..