انا قلبي مهوب للبيع

[برق الحفر]

أكيد إنك نسيتي شـي وتبيـن إنّـك تردينـه
وأنا لا عاد في صبري صبـر يتحمـل هبالـك
أناقلبي مهوب للبيع ولا انتـي اللـي بتشرينـه
سؤالي ويـن كنتـي عنـه يومنـه بيهدالـك
تشوفه يحتضر لجلـك ونويتـي إنـك تخلينـه
بكى وناداك يفلانه وهو ماهـو علـى بالـك
حـرام اللـي تسوينـه وقلبـي ربـي بيعينـه
تجرعنا الألم أعـوام وأتـاري السـم بدلالـك
أنا قلبي رجع مسموم وأبيـك الحيـن تنسينـه
ترى ماهو مثـل أول يمـوت بجنـة ظلالـك
قتلتي قلبـي بيدينـك وتجيـن الحيـن تبغينـه!
أنا مابي توضح لي وش اللـي غيّـر احوالـك!
إذا غرّتـك أحلامـك ونسيتـي مـن تحبينـه
ونسيتي هالوفا منّه سألتك مـن بيوفـا لـك!!
برغم إني عرفـت الحـب كنـت أول مجانينـه
وبرغم إنك تركتيني وقطعتي بالجفـا وصالـك
وبرغم إني كتبتك حب محيتـي كـل عناوينـه
وبرغم إني وبرغم إني قطعـت دروب أميالـك
وبرغم إني تعديـت العشـق وعيشتـك بعينـه
ألاقي إن الجزا منّـك همـوم ونـار غربالـك!
خلاص انسي الخفوق اللي بصوت الحلم تبكينـه
بعد ما كسّر سيوفه وكسّـر (صـرح تمثالـك)
غريبـه كيـف تبغينـي أرد للحـب يدينـه؟!
بعد ما ودّعت روحه جسد مشنـوق بحبالـك
ولا عمره عرف إلا صحـاري تحـت رجلينـه
تتوه خطاه فدروبـك ودمعـه تحرقـه رمالـك
غريبه كيف يتحرى سحابة صيـف تسقينـه!
وشمسك حرّها يكوي ويزيـد النـار بغلالـك
تطيح ضلوع من صدره لجل تصبـح دواوينـه
ولكن خابت ظنونه وصـار بسبتـك هالـك
أبد ماجـا علـى بالـه بيـوم إنـك تبيعينـه
وفجأه تستثير الريـح وتهـدم باقـي جبالـك
تهاوى فـي بقاياهـا كـذب بالجـور تخفينـه
تبيـن خافـي أسـراري لعذّالـي وعذالـك!!
سؤالي هو بقى بالكـون نهـار ٍ بـس تحرينـه
إذا كانت ليالينـا ظـلام ٍ دامـس ٍ حالـك؟
تبين الحين أصفى لك وانسـى الهـم وسنينـه!
وتبيـن أرجـع لماضينـا فـال الله ولا فالـك
محال إنـه يرجعنـي كـلام وحـب تحكينـه
كلام وكذبة الماضي بقت مسجونـه بفعالـك
سكنتي قلبـي بقلبـي وكنتـي كـل ميادينـه
غريبه كيف تتكسر مواني الحب على جالـك!
إذا حبك نسـى حبـي فنـا بنسـى دواوينـه
وإذا تلعب على الحبلين فنـا بقطعـك بحبالـك
غريبة كيف يتوقف خفوقـي ابكـل شرايينـه
والأغرب كيف تتمادى وتحسب إنه بيحيالـك!
هذاك أوّل الـى منـه بكـى جيتـي تواسينـه
هذاك أوّل إذا غبتي يجـي طيـره ويلجـا لـك
يابنت اصحي من هبالك وشوفي مـن تحاكينـه
ابن شعلان ما يلعـب ولاهـو رهـن أمثالـك
وإذا بتجددي جرحي وتعيدي لـي سكاكينـه
بقول الله يكافينـا شـرور النـاس وأفعالـك
أنـا مبغـى تحدينـي علـى شـر ٍ تذوقينـه
وإذا كنتي تريدينـه تـرى بالحيـل أردى لـك
لخلي دمعتك ترقـص علـى هامـة شياطينـه
واخلي جنون موّالـي يحاكـي نفـس موّالـك
واخلى نبتـة همومـك بدمعـك دوم تسقينـه
وأسوى فوق متسوي وأكيل أضعاف مكيالـك
لخلي همّـك بنومـك وليـل ٍ دوم تصحينـه
لشرّق بك واغرّب بك وأزلزل جملـة اذلالـك
ولكن حبي ما يرضـى ألـوّث بـك بساتينـه
ومحال إني أنا أرضى وأصيـر جنـون اقوالـك
ومصير الحـيِّ يتلاقـى وحبـي مـا تلاقينـه
بشيل إسمك من عروقي وابمحي رقـم جوالـك
ولاني فـي رجـا قربـك ولا حـب ٍ توفينـه
وكل اللي أريده اليوم تشيلينـي مـن آمالـك
جذور الحب لاماتـت محـال انّـك بتحيينـه
مدامه ودّع جروحك وبقت ذكـراه بغلالـك
وأنـا ماهمنـي حكيـك ولا شـي ٍ تقولينـه
وأبد ما حركت شعره كلامـك لـو تهيّالـك
أبذبح قلبي لـو مـرّه يقـول إنـك مسيكينـه
كفايه هالدموع اللـي يبلـل حزنهـا شالـك
أنا ذاك الحلـم اللـي محـال إنـك تعيدينـه
خلاص اصحي من أحلامك وشوفي من بيبقى لك
أنـا حبيـت أيّامـك مهـوب للـي تظنينـه
لأني بك عرفت الشر وكرهته حيـل بشكالـك


الـشـاعر / مجهــول
ويـاليت اللي يعرف الشـاعر يقول لنا منهو
اعذب التحايا لكم

[البيداء]

أنا قلبي رجع مسموم وأبيـك الحيـن تنسينـه

* * * * * * * * * * * * * * ترى ماهو مثـل أول يمـوت بجنـة ظلالـك




مرحباً بالأخ ( برق الحفر ) ،، تحية طيبة على هذه المختارة الرائعة ،، التي تأتي بها بعد غياب



فشكراً لك يا أخي الفاضل على هذا النقل المميز ،،



وأما بخصوص سؤالك عن صاحب هذه القصيدة ،، فيإعتقادي إنها لحامد زيد ،، لأن الإسلوب مطابق بشكل


كبير لإسلوب حامد زيد في قصائده ،، هذا والله أعلم ...





ودمت بخير


إختك .. البـــيــــداء