احلامــــــي البيضــــــــا - °~*¤®§(§ شبـــكة ويــلان العـربـيـه §)§®¤*~ˆ°

**سعود العواجي** · 28/09/09, (09:23 PM)

أيه غبت ! وعادي ليا غبت ..وين المشكله ؟؟=مدام شفتك غايب ٍ عنـي بمحـض إرادتـك
اللي أعرف أني ليا من غبت يحرقـك الولـه=لكن قسم بالله هالمره ماهي مـن عادتـك !!
اذا انت تذكر أو بلاش .. القلب عندك وأسألـه=متى مشاعر خافقي ماتت بحـرب إبادتـك ؟؟
وإذا انت ناسي مستعـد آقـول شـي ٍ تجهلـه=اني قتلت " احلامي البيضـا" لجـل سعادتـك
ياللي فراقك مستحيـل استصعبـه واستسهلـه=وان نقّصت مني جروحك بالهوى ..مازادتك !!
تعاااال آبفتح "دفتر الذكـرى" معـك وآتأملـه=من بعدها عطني ليا مني خلصـت .. إفادتـك
تذكر من أول يوم شفتك صاب خطواتي عجله=يوم ان عيني كل مالديـت عنـي صادتـك !!
يوم أني امزح معـك وآثقّـل عليـك الأسئلـه=لاقلت : ببعد ..قلت : يا "ويلك" و "ياقرادتك" !!
وتكرب "حجاجك" لين مااحس القصيـد يعدلـه=حتى غمرني ذوق إطراءك وحسـن إشادتـك
تذكر يوم " ألبوم الصور" جايبه بيدك تحملـه=وفتحته ووريتنـي "صورتـك" يـوم ولادتـك
تذكر على " تسريحتك" "بوكيه ورد" و "مكحله"=و "كروت مبروك النجاح " وجنبها "شهادتك" !!
تذكر "شعرك" اليا تدلى قمـت بيـدي آعزلـه=حتى لمحتك ناحت ٍ حرفي بوسـط "قلادتـك"
يوم ان نويت آرحل وقلت : الليل تّـوه بأولـه=حتى رجاويـك بجلوسـي كلهـا.. مافادتـك !!
والحين غبت وعذرك الواهي عليّ إني اقبله=مدامك أعلنت بخفوقـي حكمـك وسيادتـك
المسأله ماهي على فرقاك ..كـل المسألـه=وشلون بالك يستريح ليا حضنت وسادتك !!!

4 / 10 / 1430 هـ

**صالح السالم** · 28/09/09, (09:34 PM)

الله الله الله
صح السااااااااااااانك
قصيده تروي الذائقه بحق

ابداع منقطع النظير

نتطلع للقادم

تقبل مروري

**سالم صالح** · 28/09/09, (09:58 PM)

ياهلا بالرائع وياهلا بابداعاته الرائعة عزالله جبت الجوهرة يابو صالح

سعود العواجي

شاعر رائع يعرف كيف يحاكي الذات باسلوب الحكاية والتدرج ممتع بشاعريته وخير دليل هذه الرائعة الفاتنة الذي جعل القارئ يعيش معها في كل لحظاتة وابياتها التي تشد المتذوق لله درك يابو صالح وشهادتي فيك مجروحة

تقبل تقديري وودي وبانتظار المزيد من هذه الدرر الشعرية

**احساس قلم** · 28/09/09, (09:59 PM)

كان لي شرف المرور هنا
صح لسانك استاذي
عدد بلا مدد
اللي أعرف أني ليا من غبت يحرقـك الولـه
لكن قسم بالله هالمره ماهـي مـن عادتـك !!

**masha3el ** · 28/09/09, (11:23 PM)

تذكر "شعرك" اليا تدلى قمـت بيـدي آعزلـه
حتى لمحتك ناحت ٍ حرفـي بوسـط "قلادتـك"

الرائع والمتالق
الشاعر سعود العواجي
صح لسانك وبدنك ولا هنت على ذائقتك الراقيه
شاعريه مميزه وذوق عالي ونص مميز
واتمنى لك التوفيق
دمت بخير
تحياتي ومودتي

**ماجد الغانم** · 28/09/09, (11:33 PM)

الغاالي

سعود العواجي

لله درك

حضور مبهر
ونص وجدت به قمة الابداع والرقي

وتضمن صدق الاحساس بدون مجامله

دمت بكل خير ...ودام هذا التميز

لك خالص تحيااتي وتقديري

**اميرة الحرف** · 29/09/09, (12:15 AM)

الله عليك ابو صااالح شاعر لايجارى

استمتعت بهذه الأبيات واطربتني أحرفك حتى امتزجت بداخلي واحسست وكأنها من نصيبي بل ومن نصيب محبو شعر سعود العواجي

وتكرب "حجاجك" لين مااحس القصيـد يعدلـه=حتى غمرني ذوق إطراءك وحسـن إشادتـك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري