صغير ومدلع ومزيون ونبيه !

[سعوط المجانين]

السلام عليكم ورحمة الله وبركاته

اسعد الله اوقاتكم بكل خير

اللي عليها الغنج طبق راحتيه = والغنج خصلة تحتوي خصايله
دايم مفضح بي وأنا ما أقول ليه = فضايحه ستر الهموم الجايله
صغير ومدلع ومزيون ونبيه = أخذت لي عامين وأنا احايله
جيته رجل عاقل مع خافق سفيه = ما لوثه دم الحياة الزايله
أنا فدى الغمازتين بوجنتيه = وذآبح قلبي وآ كبرغلايله
والموت لا سولف وعض بشفتيه = أيقنت بحظوظ العباد المايله
هذا وهو ملقوف وعناده كريه = أليا ركب راسه وقام يشايله
أليا زعل حتى اتصالي ما يبيه = وليا رضي يزعل على موبايله
وان شافني زعلان والخوف يحديه = تشبع الجوال من رسايله
بزر قسم وجه الدلع عشرة وجيه = وتعددت على الدلع فضايله
مدلعه جده برغبة والديه = تدليع جد وتختلف وسايله
وانا الضحيه والبزر ماله شبيه = عنده لرفع الضغط قدره هايله
لا شافني مقبل يسلهم ناظريه = سلهام خبث ونيته متحايله
وان قلت له بشويش شب الله عليه = قام يتكسر واسبلت جدايله
وسمعته يتمتم ويشر لي بيديه = والله لا اطلع لك نجوم القايله
دلوع ما همه وانا مجبور فيه = ومسامحه مهما تكن عمايله
دامه يعرف اني على اية حال ابيه = وشلون الومه واتقي حبايله
حفيت سبايتّ القدم منه وليه = ما غير اقابل بيتهم واخايله
وانا على شان اجيه لافكرت اجيه = صاحبت من شانه جميع العايله

للشاعر/

مطلق النومسي

[الجوكر]

نقل رائع بروعة قلمك

الف شكر اخوي سعوط المجانين وصح لسان اخونا ابو فهد

[فهد الشافي]

سعوط المجانين تحية طيبة

مبدع في اختياراتك النصية والتي هذه منها

فائق تحياتي

[شمــــــــوخ]

/

سعوط المجانين

آختيآر ذوووق لقصيدهـ رآآآآئعه


صح لسآآنه مطلق

وتسلم يمينك

/

[حمد الخمعلي]

الاخ سعوط المجانين

مشكور على الاختيار الفاضل

صاحبت من شانه جميـع العايلـه

صاحبت من شانه جميـع العايلـه


صح لسان مطلق

تحياتي لك

[ابوالهيثم]

نقل رائع

الشكر اخوي سعوط المجانين وصح لسان الشاعر مطلق النومسي

[الصقار]

شكرا على الاختيار المميز وصح لسن شاعرها
لا شافني مقبـل يسلهـم ناظريـه
سلهـام خبـث ونيتـه متحايلـه
وان قلت له بشويش شب الله عليه
قـام يتكسـر واسبلـت جدايلـه
هذا الي بهذل بنا ...........